NRI / અમેરિકાની જેલમાં ગુજરાતી ડોક્ટરનું મોત, ધંધાને બદલે જમાવ્યું હતું ગુનાઓનું સામ્રાજ્ય, 34 કેસ હતા દાખલ

અમેરિકાના ફ્લોરિડામાં બાળ યૌનશોષણ સંબંધિત સામગ્રીના કેસમાં આરોપી ૪૦ વર્ષીય ગુજરાતી ડોક્ટર ચિંતન વિમલકુમાર શાહનું અલાચુઆ કાઉન્ટી જેલમાં મોત થયું છે. શાહ ગુરુવારે પોતાના સેલમાં બેભાન હાલતમાં મળી આવ્યો હતો. જેલ અધિકારીઓએ સારવારના પ્રયાસો કર્યા હતા, પરંતુ તેનો જીવ બચાવી શકાયો નહોતો. મોતનું કારણ હજુ સ્પષ્ટ થયું નથી અને તપાસ હાથ ધરાઈ છે.

શાહ અગાઉ યુનિવર્સિટી ઓફ ફ્લોરિડામાં એસોસિયેટ ક્લિનિકલ પ્રોફેસર અને યુએફ હેલ્થ શેન્ડ્સમાં નેફ્રોલોજિસ્ટ તરીકે કામ કરતો હતો. ૮ જુલાઈએ સાયબરટિપના આધારે તેની ધરપકડ કરવામાં આવી હતી. તપાસમાં કિક એકાઉન્ટ મારફતે સગીર સંબંધિત ગેરકાયદે સામગ્રી શેર કર્યાના આરોપો સામે આવ્યા હતા. તેના વિરુદ્ધ વધુ ૩૪ આરોપો દાખલ કરવામાં આવ્યા હતા.

ફોન અને ડિજિટલ એકાઉન્ટની તપાસ બાદ તેના વિરુદ્ધ અનેક વધારાના આરોપો દાખલ કરવામાં આવ્યા હતા. તપાસકર્તાઓએ એક સગીર યુવતી સાથે અયોગ્ય ઓનલાઈન સંપર્ક અને તસવીરો મેળવવા માટે દબાણ કર્યાનો પણ આરોપ મૂક્યો હતો.

આ પણ વાંચોઃ આજે પૃથ્વી પર આફત આવશે? વૈજ્ઞાનિકોની ડરામણી આગાહી, જાણો કેટલો ખતરો?

જામીનનો સરકારી વકીલોએ વિરોધ કર્યો હતો અને શાહ ભારત ભાગી શકે તેવી આશંકા વ્યક્ત કરી હતી. ધરપકડ બાદ યુનિવર્સિટીએ તેને રજા પર મોકલી તેની પ્રોફાઇલ વેબસાઇટ પરથી હટાવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ