6 ફોટો ગેલેરી

National / રેડ-ઓરેન્જ અને યલો એલર્ટ જાહેર, જુઓ કયા-કયા રાજ્યોમાં IMDએ આપી વોર્નિંગ

Last Updated: 12:47 PM, 9 July 2026

FOLLOW ON

શેર કરો

દેશભરમાં ચોમાસું હવે સંપૂર્ણ રીતે સક્રિય બન્યું છે. અનેક રાજ્યોમાં ભારે વરસાદને કારણે જનજીવન પ્રભાવિત થયું છે, ત્યારે ભારતીય હવામાન વિભાગે વિવિધ રાજ્યો માટે રેડ, ઓરેન્જ અને યલો એલર્ટ જાહેર કરીને લોકોને સાવચેત રહેવાની અપીલ કરી છે.

1/6

1. દેશભરમાં ચોમાસાનો વરસાદ, અનેક રાજ્યોમાં એલર્ટ

દેશના મોટાભાગના વિસ્તારોમાં ચોમાસાનો વરસાદ સતત ચાલુ છે. કેટલાક વિસ્તારોમાં હળવાથી મધ્યમ વરસાદ પડી રહ્યો છે, જ્યારે અન્ય વિસ્તારોમાં ધોધમાર વરસાદના કારણે પાણી ભરાવા, ટ્રાફિક અને જનજીવન પર અસર જોવા મળી રહી છે. ભારતીય હવામાન વિભાગ (IMD)ના આગાહી અનુસાર હાલ દેશના અનેક રાજ્યોમાં ભારે વરસાદની શક્યતા છે. આ પરિસ્થિતિને ધ્યાનમાં રાખીને વિભાગે અલગ-અલગ વિસ્તારો માટે રેડ, ઓરેન્જ અને યલો એલર્ટ જાહેર કર્યા છે.

આ તસવીર શેર કરો

2/6

2. દિલ્હી અને હરિયાણામાં રેડ એલર્ટ જાહેર

IMDએ 9 જુલાઈના રોજ દિલ્હીના તમામ જિલ્લાઓ અને હરિયાણાના કેટલાક જિલ્લાઓ માટે રેડ એલર્ટ જાહેર કર્યું છે. હવામાન વિભાગના જણાવ્યા અનુસાર આ વિસ્તારોમાં 60 કિલોમીટર પ્રતિ કલાક સુધીની ઝડપે પવન ફૂંકાઈ શકે છે. ઉપરાંત પ્રતિ કલાક 15 મિલીમીટરથી વધુની ઝડપે ભારે વરસાદ પડવાની શક્યતા છે. ગાજવીજ અને વાવાઝોડાની સ્થિતિ પણ સર્જાઈ શકે છે, જેના કારણે લોકોને અનાવશ્યક બહાર ન નીકળવા અને સાવચેતી રાખવાની સલાહ આપવામાં આવી છે.

આ તસવીર શેર કરો

3/6

3. આ રાજ્યોના જિલ્લાઓમાં ઓરેન્જ એલર્ટ

હવામાન વિભાગના જણાવ્યા મુજબ ઓરેન્જ એલર્ટ એવા વિસ્તારો માટે જાહેર કરવામાં આવે છે જ્યાં 40થી 60 કિલોમીટર પ્રતિ કલાકની ઝડપે પવન ફૂંકાઈ શકે અને પ્રતિ કલાક 5થી 15 મિલીમીટર સુધી મધ્યમથી ભારે વરસાદ નોંધાઈ શકે. 9 જુલાઈના રોજ ઉત્તર પ્રદેશના આગ્રા, અલીગઢ, બાગપત, બુલંદશહર, ગૌતમ બુદ્ધ નગર, ગાઝિયાબાદ, હાપુડ, હાથરસ, મથુરા, મેરઠ, મુઝફ્ફરનગર, સહારનપુર અને શામલી જિલ્લામાં ઓરેન્જ એલર્ટ જાહેર કરવામાં આવ્યું છે. હરિયાણાના અંબાલા, ગુડગાંવ, ઝજ્જર, જીંદ, કૈથલ, કુરુક્ષેત્ર, મેવાત અને રોહતક જિલ્લામાં પણ ઓરેન્જ એલર્ટ અમલમાં છે.

આ તસવીર શેર કરો

4/6

4. ઉત્તરાખંડ, કેરળ, અરુણાચલ અને જમ્મુ-કાશ્મીરમાં પણ ભારે વરસાદની આગાહી

IMDએ ઉત્તરાખંડના અલ્મોડા, બાગેશ્વર, ચમોલી, દેહરાદૂન, હરિદ્વાર, પૌડી ગઢવાલ, રૂદ્રપ્રયાગ, ટિહરી ગઢવાલ અને ઉત્તરકાશી જિલ્લામાં પણ ઓરેન્જ એલર્ટ જાહેર કર્યું છે. આ ઉપરાંત કેરળના એર્નાકુલમ અને ત્રિશૂર, અરુણાચલ પ્રદેશના લોઅર સુબાનસિરી અને પાપુમ પારે તેમજ જમ્મુ-કાશ્મીરના ડોડા અને કિશ્તવાડ જિલ્લામાં પણ ભારે વરસાદ અને તેજ પવનની આગાહી કરવામાં આવી છે. આ વિસ્તારોમાં સ્થાનિક વહીવટી તંત્રને પણ સતર્ક રહેવા સૂચના આપવામાં આવી છે.

આ તસવીર શેર કરો

5/6

5. યલો એલર્ટનો અર્થ શું?

હવામાન વિભાગ દ્વારા જારી કરવામાં આવતો યલો એલર્ટ સૌથી સામાન્ય ચેતવણી માનવામાં આવે છે. જ્યારે હવામાનમાં ફેરફાર થવાની શક્યતા હોય અથવા વરસાદી સ્થિતિ વધુ ગંભીર બની શકે તેવી સંભાવના હોય ત્યારે IMD યલો એલર્ટ જાહેર કરે છે. તેનો અર્થ એ નથી કે તાત્કાલિક મોટું જોખમ છે, પરંતુ લોકોને સાવચેત રહેવાની અને હવામાન વિભાગની આગામી સૂચનાઓ પર નજર રાખવાની જરૂર રહે છે. ચોમાસાની ઋતુ દરમિયાન દેશના અનેક વિસ્તારોમાં યલો એલર્ટ જાહેર કરવામાં આવતો હોય છે જેથી લોકો સમયસર સાવચેત રહી શકે

આ તસવીર શેર કરો

6/6

6. ગુજરાતમાં પણ વરસાદનું જોર યથાવત

ગુજરાતમાં પણ ચોમાસું સક્રિય છે. હવામાન વિભાગે દક્ષિણ ગુજરાત, ઉત્તર ગુજરાત અને સૌરાષ્ટ્રના અનેક જિલ્લાઓમાં ભારે વરસાદ, ગાજવીજ અને 40થી 50 કિમી પ્રતિ કલાકની ઝડપે પવન ફૂંકાવાની આગાહી કરી છે. ખાસ કરીને ડાંગ, નવસારી, વલસાડ, સુરત, તાપી, અમરેલી અને ભાવનગર સહિતના જિલ્લાઓમાં ભારે વરસાદની શક્યતા હોવાથી લોકોને સાવચેત રહેવા અને તંત્રની સૂચનાઓનું પાલન કરવાની અપીલ કરવામાં આવી છે.

આ તસવીર શેર કરો

સંકળાયેલા મુદ્દાઓ

Heavy Rain Alert IMD Weather Alert Monsoon Update