ગુડ ન્યુઝ / હોમ-બાઈક કે પર્સનલ લોન લેનારાની બલ્લે બલ્લે! આવ્યાં સારા સમાચાર, સાંભળતાં જ થઈ જશે હાશકારો

જીએસટી રેટ ચેન્જને કારણે ઘણી બધી વસ્તુઓ સસ્તી થઈ ગઈ છે. આ બધા વચ્ચે હવે હોમ-બાઈક કે પર્સનલ લોન લેનારા લોકોને પણ ઓક્ટોબરની શરુઆતમાં સારા સમાચાર મળી શકે છે. દેશના મધ્યમ વર્ગને દિવાળી અને દશેરા પહેલા વધુ એક મહત્વપૂર્ણ ભેટ મળી શકે છે. રિઝર્વ બેંક વ્યાજ દરમાં વધુ 0.25 ટકાનો ઘટાડો કરે તેવી શક્યતા છે. આનાથી તમારી હોમ લોન, બાઇક લોન અથવા પર્સનલ લોન સસ્તી થઈ શકે છે.

29 સપ્ટેમ્બરથી આરબીઆઈની સમીક્ષા બેઠક

રિઝર્વ બેંકે આ વર્ષે વ્યાજ દરમાં પહેલાથી જ 1 ટકાનો ઘટાડો કર્યો છે. આગામી નાણાકીય નીતિ સમીક્ષા બેઠક 29 સપ્ટેમ્બરથી 1 ઓક્ટોબર દરમિયાન યોજાશે. SBIના રિપોર્ટમાં સ્પસ્ટ જણાવાયું છે કે વ્યાજ દર ઘટી શકે છે. એટલે 29 સપ્ટેમ્બરથી 1 ઓક્ટોબરની વચ્ચે ગમે ત્યારે લોન લેનારાને સારા સમાચાર મળી શકે છે.

ફેબ્રુઆરીમાં વ્યાજ દર ઘટાડો

ભારતીય રિઝર્વ બેંક (RBI) એ આ વર્ષે ફેબ્રુઆરીમાં વ્યાજ દરોમાં ઘટાડો કરવાનું શરૂ કર્યું હતું. 7 ફેબ્રુઆરી, 2025 ના રોજ, RBI એ વ્યાજ દરમાં 25 બેસિસ પોઈન્ટનો ઘટાડો કર્યો, જે 6.5% થી 6.25% થયો. નાણાકીય નીતિ સમિતિએ 9 એપ્રિલના રોજ 25 બેસિસ પોઈન્ટનો અને 6 જૂન, 2025 ના રોજ 50 બેસિસ પોઈન્ટનો ઘટાડો કર્યો.

વધુ વાંચો : આ કર્મચારીઓની બલ્લે બલ્લે! EPFOની દિવાળી ગિફ્ટ! મિનિમમ પેન્શન વધીને થઈ શકે આટલું, જાણો ક્યારે?

375 ચીજવસ્તુઓ સસ્તી

ઉલ્લેખનીય છે કે જીએસટી ઘટાડાને કારણે 375 ચીજવસ્તુઓ સસ્તી થઈ છે જેમાં ખાવા-પીવાના સામાનથી માંડીને મોજ-શોખની ઘણી બધી વસ્તુઓ સામેલ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ