આસ્થા / VIDEO : અંબાજી ભાદરવી પૂનમના મહામેળા નિમિત્તે ચાચર ચોકમાં ભવ્ય ડ્રોન શો, અદ્વિતીય કલાકૃતિઓ કંડારાઈ

અંબાજી ભાદરવી પૂનમના મહામેળા નિમિત્તે ચાચર ચોકમાં ભવ્ય ડ્રોન શોનું આયોજન કરાયું હતું. ​આ અદભુત ડ્રોન શોમાં 450થી વધુ અદ્યતન ડ્રોન દ્વારા આકાશમાં અદ્વિતીય કલાકૃતિઓ કંડારવામાં આવી હતી. ​રાત્રિના અંધકારમાં ડ્રોનની મદદથી માં અંબાના નીજ મંદિરનું આબેહૂબ દ્રશ્ય આકાશમાં રચાયું હતું. ​પવિત્ર ગબ્બર પર્વત અને અખંડ જ્યોતની પ્રતિકૃતિ પણ આકાશી નજારામાં આકર્ષણનું કેન્દ્ર બની હતી. ​મા અંબાના વિવિધ સ્વરૂપો અને દિવ્ય કલાકૃતિઓ જોઈ ઉપસ્થિત માઈભક્તો મંત્રમુગ્ધ બન્યા હતા.

​મહામેળામાં લાખોની સંખ્યામાં ભક્તો ઉમટ્યાં

​મહામેળામાં લાખોની સંખ્યામાં ઉમટેલા ભક્તો માટે આ ટેકનોલોજી અને ભક્તિનો સંગમ વિશેષ આકર્ષણ બન્ય હતો અને ​સમગ્ર ચાચર ચોક 'જય અંબે' અને 'બોલ માડી અંબે'ના ગગનભેદી જયઘોષથી ગુંજી ઊઠ્યો હતો. ​ભક્તોના આનંદ અને ઉત્સાહમાં વધારો કરવા વહીવટી તંત્ર દ્વારા સતત બે દિવસ માટે આ શોની વ્યવસ્થા કરાઈ છે. ​મેળામાં આવતા યાત્રાળુઓ માટે આકાશી રોશનીનો આ નજારો એક યાદગાર અનુભવ સાબિત થયો.

વધુ વાંચો : બૂમાબૂમ કરતાં ગળું દબાવી હત્યા કરી, દુષ્કર્મ આચરી લાશ ઝાડીમાં ફેંકી, ગાંધીધામમાં મહિલાની લાશનો ભેદ ઉકેલાયો

45 લાખથી વધુ ભક્તો માટે પ્રશાસનનું આયોજન

આ વખતે ભાદરવી પૂનમ મહામેળામાં 45 લાખથી વધુ માઈભક્તો ઉમટે તેવી શક્યતાને ધ્યાનમાં રાખીને બનાસકાંઠા પ્રશાસન અને અંબાજી દેવસ્થાન ટ્રસ્ટ દ્વારા અભૂતપૂર્વ હાઈટેક વ્યવસ્થાઓ કરવામાં આવી છે. આ મેળામાં 25 થી વધુ સ્થળોએ ભીડ વધતા AI દ્વારા પોલીસ કંટ્રોલ રૂમમાં એલર્ટ મોકલવામાં આવ્યા , જેના આધારે તાત્કાલિક પોલીસ મોકલી અવ્યવસ્થા રોકવામાં આવી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ