6 ફોટો ગેલેરી

તમારા કામનું / જે કર્મચારીઓનું PF કપાતું નહોતું તેમના માટે ખાસ તક! કંપનીઓ 31 ઓક્ટોબર સુધી રજિસ્ટ્રેશન કરી શકશે

Last Updated: 02:42 PM, 27 August 2026

FOLLOW ON

શેર કરો

જો તમારા પગારમાંથી PF કપાતું નહોતું તો તમારા માટે મહત્વના સમાચાર છે. EPFOએ જૂના PF એનરોલમેન્ટ ગેપને સુધારવા માટે ખાસ તક આપી છે.

1/6

1. જે કર્મચારીઓનું PF કપાતું નહોતું તેમના માટે ખાસ તક!

EPFOએ ‘એમ્પ્લોઇઝ એનરોલમેન્ટ કેમ્પેન 2026’ શરૂ કર્યું છે. આ કેમ્પેન હેઠળ કંપનીઓ એવા યોગ્ય કર્મચારીઓને PF હેઠળ રજિસ્ટર કરી શકશે જેઓ અગાઉ કવરેજથી રહી ગયા હતા. આ માટે 31 ઓક્ટોબર 2026 સુધીનો સમય આપવામાં આવ્યો છે. જોકે આ સુવિધા દરેક કર્મચારી માટે લાગુ પડતી નથી અને કેટલીક જરૂરી શરતો પણ નક્કી કરવામાં આવી છે.

આ તસવીર શેર કરો

2/6

2. કોને મળશે આ ખાસ તક?

EEC 2026 હેઠળ 1 એપ્રિલ 2009થી 31 માર્ચ 2026 વચ્ચે EPF કવરેજથી રહી ગયેલા યોગ્ય કર્મચારીઓને એનરોલ કરી શકાશે. કર્મચારી અગાઉ કંપનીમાં કામ કરતો હોવો પૂરતો નથી. જાહેરાત કરવામાં આવે ત્યારે કર્મચારી જીવિત હોવો અને તે જ સંસ્થામાં નોકરી કરતો હોવો જરૂરી છે. જે કર્મચારીઓ કંપની છોડી ચૂક્યા છે તેઓ આ કેમ્પેન હેઠળ સામેલ થઈ શકશે નહીં.

આ તસવીર શેર કરો

3/6

3. કંપનીઓને શું મળશે રાહત?

જો અગાઉના સમયગાળામાં કર્મચારીના પગારમાંથી PFનો હિસ્સો કાપવામાં આવ્યો ન હોય તો નક્કી કરેલી શરતો હેઠળ તે કર્મચારીનો હિસ્સો માફ થઈ શકે છે. જોકે કંપનીએ પોતાનો PF ફાળો જમા કરાવવો પડશે. આ ઉપરાંત લાગુ પડતું વ્યાજ અને એડમિનિસ્ટ્રેટિવ ચાર્જ પણ ચૂકવવો પડશે. કેમ્પેન હેઠળ 100 રૂપિયાનું એકમુષ્ટ ડેમેજ પણ લાગુ થશે.

આ તસવીર શેર કરો

4/6

4. જૂના PF રેકોર્ડ સુધારવાની તક

આ કેમ્પેનથી કંપનીઓને જૂના PF એનરોલમેન્ટ ગેપને નિયમિત કરવાની તક મળશે. ખાસ વાત એ છે કે જે કર્મચારીનો PF હિસ્સો અગાઉ પગારમાંથી કાપવામાં આવ્યો ન હતો તેની પાસેથી હવે તે રકમ વસૂલવાની જરૂર નહીં પડે. આ રીતે કંપનીઓ જૂના રેકોર્ડને નિયમિત કરી શકશે. સાથે જ યોગ્ય કર્મચારીઓને PF, પેન્શન અને સંબંધિત સામાજિક સુરક્ષા લાભ મળી શકશે.

આ તસવીર શેર કરો

5/6

5. કેવી રીતે થશે કર્મચારીનું એનરોલમેન્ટ?

આ સમગ્ર પ્રક્રિયા ઓનલાઈન કરવાની રહેશે. કંપનીએ દરેક કર્મચારી માટે UMANG એપ દ્વારા ફેસ ઓથેન્ટિકેશનનો ઉપયોગ કરીને UAN બનાવવો પડશે. ત્યારબાદ EPFO એમ્પ્લોયર પોર્ટલ પર જઈને EEC-2026 મોડ્યુલ પસંદ કરવાનું રહેશે. કર્મચારી અને નોકરી સંબંધિત માહિતી દાખલ કર્યા બાદ ECRને TRRN સાથે લિંક કરવામાં આવશે.

આ તસવીર શેર કરો

6/6

6. 31 ઓક્ટોબર પહેલાં પ્રક્રિયા પૂરી કરવી પડશે

માહિતી દાખલ કર્યા બાદ કંપનીએ EEC ચલણ બનાવવાનું રહેશે અને જરૂરી ચુકવણી કરવી પડશે. ત્યારબાદ DSC અથવા eSignની મદદથી અંતિમ ડિક્લેરેશન સબમિટ કરવાનું રહેશે. EPFOએ કંપનીઓને આ મર્યાદિત સમયગાળાનો ઉપયોગ કરવાની અપીલ કરી છે. EEC 2026 કાયમી છૂટ નથી તેથી કંપનીઓએ 31 ઓક્ટોબર 2026 પહેલાં જરૂરી પ્રક્રિયા પૂર્ણ કરવી પડશે.

આ તસવીર શેર કરો

સંકળાયેલા મુદ્દાઓ

EPFO EEC 2026 Employees Enrollment Campaign PF Registration