વેદના / 'દીકરી સામે કપડાં કાઢતો, મોઢામાં ડૂચો મારી દુષ્કર્મ આચર્યું, રાજકોટમાં હિંદુ મહિલા સાથે વિધર્મીનું દુષ્કર્મ

રાજકોટમાં એક મહિલાએ બિનહિન્દુ હેડ કોન્સ્ટેબલ ઈમરાન રાઉમા સામે ગંભીર આરોપો લગાવતા મામલો ગરમાયો છે. પીડિત મહિલાના જણાવ્યા મુજબ આરોપીએ ઓળખાણ અને વિશ્વાસનો લાભ લઈને તેના પર દુષ્કર્મ આચર્યું, મારપીટ કરી તેમજ આપત્તિજનક વીડિયો બનાવી બ્લેકમેઈલ કરવાનો પ્રયાસ કર્યો હતો.

ઈમરાન રાઉમા ઘરમાં ઘૂસીને તેના પર બળજબરી કરતોઃ મહિલા

મહિલાએ આક્ષેપ કર્યો છે કે આરોપી ઈમરાન રાઉમા ઘરમાં ઘૂસીને તેના પર બળજબરી કરતો હતો અને વારંવાર ધમકીઓ આપતો હતો. એટલું જ નહીં, મહિલાની સગીર દીકરી સાથે પણ અડપલાં કર્યાના આરોપો સામે આવ્યા છે. પીડિતાના જણાવ્યા મુજબ આરોપી વીડિયો વાયરલ કરવાની ધમકી આપી લાંબા સમયથી માનસિક ત્રાસ આપતો હતો.

મહિલા કેમેરા સામે રડી પડી

આ ઘટનાને લઈને પીડિત મહિલા કેમેરા સામે રડી પડી હતી અને સમગ્ર આપવીતી વર્ણવી હતી. મામલો બહાર આવતા હિંદુ સંગઠનોમાં ભારે રોષ ફાટી નીકળ્યો હતો. પીડિતાએ મદદ માટે વિશ્વ હિન્દુ પરિષદનો સંપર્ક કરતા સંગઠન આગળ આવ્યું અને મહિલાને કાનૂની સહાય પૂરી પાડી હતી.

પોલીસે આરોપીની ધરપકડ કરી

સંગઠનના કાર્યકરોએ મહિલાના આરોપોના આધારે તાત્કાલિક પોલીસ ફરિયાદ નોંધાવવામાં મદદ કરી હતી. ફરિયાદના આધારે પોલીસે આરોપી ઈમરાન રાઉમાને કસ્ટડીમાં લઈ આગળની કાર્યવાહી હાથ ધરી હોવાનું જાણવા મળે છે.

આ પણ વાંચોઃ કેવું રહેશે 2026નું વર્ષ? વરસાદને લઈને અંબાલાલ પટેલે કરી મોટી આગાહી, જાણો ક્યારે આવશે?

કડકમાં કડક કાર્યવાહી કરવાની માંગ

હિંદુ સંગઠનો અને પીડિત પરિવારે આરોપી સામે કડકમાં કડક કાર્યવાહી કરવાની માંગ ઉઠાવી છે. સાથે જ મહિલાઓની સુરક્ષા અને પોલીસ વિભાગમાં ફરજ બજાવતા કર્મચારીઓની જવાબદારી અંગે પણ અનેક પ્રશ્નો ઊભા થયા છે.પોલીસ દ્વારા હાલ સમગ્ર મામલે તપાસ ચાલુ હોવાનું જણાવાયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ