ગાંધીનગર / કેવું રહેશે 2026નું વર્ષ? વરસાદને લઈને અંબાલાલ પટેલે કરી મોટી આગાહી, જાણો ક્યારે આવશે?

રાજ્યમાં છેલ્લા કેટલાક દિવસોથી અનુભવાતી કાળઝાળ ગરમી વચ્ચે હવે લોકો માટે રાહતના સમાચાર સામે આવ્યા છે. હવામાન નિષ્ણાંત અંબાલાલ પટેલ એ આગામી દિવસોમાં ગુજરાતમાં પ્રિ-મોન્સૂન એક્ટિવિટી સક્રિય થવાની શક્યતા વ્યક્ત કરી છે.

અનેક વિસ્તારોમાં વરસાદી માહોલ જામવાની સંભાવના

અંબાલાલ પટેલના જણાવ્યા અનુસાર, 18 મેથી 23 મે દરમિયાન રાજ્યના અનેક વિસ્તારોમાં વરસાદી માહોલ જામવાની સંભાવના છે. ખાસ કરીને સૌરાષ્ટ્રના દરિયા કિનારાના વિસ્તારોમાં ગાજવીજ સાથે વરસાદ પડી શકે છે. સાથે જ દક્ષિણ ગુજરાત અને પૂર્વ ગુજરાતના કેટલાક જિલ્લાઓમાં પણ છૂટોછવાયો વરસાદ થવાની શક્યતા વ્યક્ત કરવામાં આવી છે.

તાપમાનમાં ઘટાડો નોંધાઈ શકે

હવામાન વિભાગના અનુમાન મુજબ આ સમયગાળા દરમિયાન ભારે પવન ફૂંકાઈ શકે છે, જેના કારણે તાપમાનમાં ઘટાડો નોંધાઈ શકે છે અને લોકોને ઉકળાટભરી ગરમીમાંથી રાહત મળશે. કેટલાક વિસ્તારોમાં વીજળીના કડાકા-ભડાકા સાથે વરસાદી ઝાપટાં પડવાની પણ શક્યતા છે.

ખેડૂતો માટે પણ આ આગાહી મહત્વપૂર્ણ

ખેડૂતો માટે પણ આ આગાહી મહત્વપૂર્ણ માનવામાં આવી રહી છે. નિષ્ણાંતોના મતે પ્રિ-મોન્સૂન વરસાદ ખેતી માટે અનુકૂળ સાબિત થઈ શકે છે, જોકે ભારે પવનને કારણે કાચા પાક અને બાગાયતી પાકને નુકસાન થવાની શક્યતા હોવાથી સાવચેતી રાખવા સૂચના આપવામાં આવી છે.

આ પણ વાંચોઃ જૂનાગઢના ખંભાળીયાના ડાયરામાં ગોપાલ સાધુ અને જીગ્નેશ બારોટ પર થયો રૂપિયાનો ઢગલો, કલાકારો દટાયા નોટોમાં

રાજ્યના નાગરિકોને હવામાનમાં અચાનક ફેરફારને ધ્યાનમાં રાખીને જરૂરી તકેદારી રાખવા અને સ્થાનિક તંત્રની સૂચનાઓનું પાલન કરવા અપીલ કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ