બિઝનેસ / શું ફરી વધશે પેટ્રોલ-ડીઝલના ભાવ? આવનારા 10 દિવસમાં નવાજૂનીના સંકેત!

Petrol-Diesel Price : સરકારી તેલ કંપનીઓ પેટ્રોલ અને ડીઝલના વેચાણ પર અંડર રિકવરીનો સામનો કરી રહી છે. જો ક્રૂડ ઓઇલના ભાવ સ્થિર રહેશે તો કંપનીઓ આગામી દસ દિવસમાં પેટ્રોલ અને ડીઝલના વેચાણ પર ના લાભ, ના નુકશાનની સ્થિતિ પર આવી જશે.

આંતરરાષ્ટ્રીય બજારમાં તેલના ભાવમાં થયેલા મોટા ઘટાડા બાદ ભારતીય ઇંધણ બજારમાં આગામી સાતથી દસ દિવસમાં ફેરફાર થવાની શક્યતા છે. જો ક્રૂડ ઓઇલના ભાવ વર્તમાન સ્તરની આસપાસ રહેશે તો ભારતીય તેલ માર્કેટિંગ કંપનીઓ આગામી દસ દિવસમાં પેટ્રોલ અને ડીઝલના વેચાણ પર ના લાભ, ના નુકશાનની સ્થિતિ પર પહોચી શકે છે. એટલે કે કંપનીનો ખર્ચ અને કમાણી સમાન થઈ જશે. તે પેટ્રોલ અને ડીઝલના ભાવ સસ્તા થવાનો માર્ગ મોકળો કરશે.

એક ન્યૂઝ અહેવાલ મુજબ સરકારી માલિકીની તેલ કંપનીઓ હાલમાં પેટ્રોલ અને ડીઝલના વેચાણ પર અંડર રિકવરીનો સામનો કરી રહી છે. ચાલુ નાણાકીય વર્ષના પ્રથમ ત્રિમાસિક ગાળામાં કંપનીઓને ₹75,000 કરોડથી વધુનું મોટું નુકસાન થયું છે. અગાઉથી ખરીદેલા ઊંચા ક્રૂડ ઓઇલ સ્ટોકને કારણે આ ત્રિમાસિક ગાળામાં કંપનીઓની નાણાકીય સ્થિતિ દબાણ હેઠળ રહી.

સ્થિર ભાવ કંપનીઓને નુકસાનમાંથી બહાર નીકળવામાં મદદ કરશે

જો ક્રૂડ ઓઇલના ભાવ વર્તમાન સ્તરે સ્થિર રહેશે, તો આ કંપનીઓને આ નોંધપાત્ર નુકસાનમાંથી બહાર નીકળવામાં અને "નો-પ્રોફિટ, નો-લોસ" સ્તર સુધી પહોંચવામાં મદદ કરશે. જો કે આ રાહત વચ્ચે એક મુશ્કેલી છે. કંપનીઓ હજુ પણ રસોઈ ગેસ (LPG) ના સિલિન્ડર દીઠ આશરે ₹500 નું નુકસાન સહન કરી રહી છે.

આ પણ વાંચોઃ આનંદો / સરકારી કર્મચારીઓને તો મોજે દરિયા! જુલાઈથી વધી શકે મોંઘવારી ભથ્થું, જાણો કેટલાં ટકા

ક્રૂડ ઓઇલ સપ્લાયમાં વધારો

યુએસ અને ઈરાન વચ્ચે યુદ્ધવિરામથી ક્રૂડ ઓઇલ સપ્લાયમાં વધારો થયો છે. સાઉદી અરેબિયા અને રશિયાના નેતૃત્વમાં સાત મુખ્ય તેલ ઉત્પાદક દેશોએ ઉત્પાદન વધારવાનો નિર્ણય લીધો છે. અગાઉ 28 ફેબ્રુઆરીએ પશ્ચિમ એશિયા યુદ્ધ શરૂ થયું. કારણ કે ઇરાન પર યુએસ અને ઇઝરાયલી હુમલાઓએ હોર્મુઝ સ્ટ્રેટ બંધ કરી દીધો હતો, જેના કારણે તેલનો પુરવઠો ખોરવાઈ ગયો હતો. હવે હોર્મુઝ સ્ટ્રેટ ખુલતા, સપ્લાય સામાન્ય થઈ ગયો છે. વધુમાં, આંતરરાષ્ટ્રીય બજારમાં પણ ઈરાની તેલ વધી રહ્યું છે, જેનાથી ઘણા દેશો પર દબાણ ઓછું થઈ રહ્યું છે. વધુમાં, વેનેઝુએલાથી તેલના વધેલા પુરવઠાથી બજારને રાહત મળી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ