જશ્નનો માહોલ / ગાંધીનગર કમલમમાં ભાજપની ભવ્ય જીત ઉજવણી, જુઓ તસવીરો

• ગાંધીનગરમાં કમલમ ખાતે ભાજપની ઉજવણી 
• ઢોલ નગારા સાથે ભાજપ કાર્યકરો દ્વારા ઉજવણી
• આમ આદમી પાર્ટીનાં સુપડા સાફ થયા

 ગુજરાત વિધાનસભાની ચૂંટણીના પરિણામ આવવાના શરૂ થઈ ગયા છે. ત્યારે ભાજપના તેમજ કોંગ્રેસના ઉમેદવારો દ્વારા પરિણામ પહેલા જ ફટાકડા તેમજ મીઠાઈનો ઓર્ડર આપી દીધો હતો. ત્યારે આજે પરિણામ જાહેર થતા ભાજપ સ્પષ્ટ બહુમતી સાથે જીત તરફ આગળ વધી રહ્યું છે. ત્યારે ઉમેદવારોના કાર્યકરોમાં જશ્નનો માહોલ જોવા મળી રહ્યો છે અને ઠેર ઠેર ભાજપ-કોંગ્રેસના ઉમેવારો દ્વારા ફટાકડા ફોડી ઉજવણી શરૂ કરી દીધી છે.

કમલમ ખાતે ભાજપના નેતાઓનો જમાવડો 
આજે ગુજરાત વિધાનસભાની ચૂંટણીના પરિણામોની મતગણતરી ચાલી રહી છે. ત્યારે ભાજપ પ્રચંડ બહુમતી સાથે જીત તરફ આગળ વધી રહ્યું છે. કમલમ ખાતે ભાજપના કાર્યકરોમાં જશ્નનનો માહોલ જોવા મળી રહ્યો છે અને કમલમ ખાતે ભાજપના નેતાઓનો હાલ જમાવડો જામી રહ્યો છે અને ફટાકડા ફોડી આતિશબાજી પણ કરવામાં આવી રહી છે. તેમજ કાર્યકરો દ્વારા એકબીજાના મીઠાઈ ખવડાવીને જીતની ઉજવણી કરવામાં આવી રહી છે. કમલમ કાર્યાલય ખાતે અત્યારે મોટી સંખ્યામાં કાર્યકરો ઉમટી પડ્યા છે ને ઢોલ નગારા સાથે ભાજપના કાર્યકરો દ્વારા ઉજવણી કરવામાં આવી રહી છે.