ગુજરાત / અમદાવાદમાં ગાંધીજી અને સ્વતંત્રતા આંદોલનની ઐતિહાસિક ધરોહરને હેરિટેજ સ્ટેટસનું કવચ, 382 ઈમારતોને સંરક્ષણ

રાષ્ટ્રપિતા મહાત્મા ગાંધીની જન્મજયંતી પૂર્વે અમદાવાદની ગાંધીજી અને સ્વતંત્રતા આંદોલન સાથે જોડાયેલી અનેક ઐતિહાસિક ધરોહરને હવે સંરક્ષણનું કવચ મળવાની પ્રક્રિયા શરૂ થઈ છે.

અમદાવાદ મ્યુનિસિપલ કોર્પોરેશન (એએમસી) દ્વારા શહેરના કોટ વિસ્તાર બહાર આવેલી ૩૮૨ ઈમારતને હેરિટેજ સ્ટેટસ આપવા માટે પ્રક્રિયા શરૂ કરવામાં આવી છે. તેમાં ગાંધીજી અને સ્વતંત્રતા ચળવળ સાથે સીધો સંબંધ ધરાવતી ૧૦થી વધુ મહત્ત્વપૂર્ણ જગ્યાનો પણ સમાવેશ થાય છે. AMCની હેરિટેજ એન્ડ રિક્રિએશનલ કમિટીએ ૨૪ ઓગસ્ટે આ પ્રસ્તાવને મંજૂરી આપી હતી, ત્યાર બાદ તેને સ્ટેન્ડિંગ કમિટીમાં મોકલવામાં આવ્યો હતો. હવે હેરિટેજ કન્ઝર્વેશન કમિટી દ્વારા નાગરિકો પાસેથી વાંધા અને સૂચનો મગાવવામાં આવશે.

ગાંધી વારસાની મહત્ત્વપૂર્ણ યાદીમાં સામેલ સ્થળ

• હેરિટેજ સ્ટેટસ માટે પ્રસ્તાવિત સ્થળોમાં સામેલ છે:
• દાંડી બ્રિજ, વાડજ
• ગુજરાત વિદ્યાપીઠ અને રણજિત નિવાસ હોસ્ટેલ, ઉસ્માનપુરા
• સર્કિટ હાઉસ, શાહીબાગ
• સત્યાગ્રહ આશ્રમ, કોચરબ
• હૃદયકુંજ, ગાંધી આશ્રમ, સાબરમતી
• વિનોબા અને મીરાં કુટિર, ગાંધી આશ્રમ
• મગન નિવાસ, ગાંધી આશ્રમ
• નંદિની કુટિર, ગાંધી આશ્રમ
• પીટીસી કોલેજ અને હોસ્ટેલ, ગાંધી આશ્રમ
• મંગલ મંદિર, ગાંધી આશ્રમની સામે
• બાલ વિદ્યા મંદિર, ગાંધી આશ્રમની સામે
• આશ્રમ સ્કૂલ, ગાંધી આશ્રમની સામે
• નવજીવન પ્રેસ બિલ્ડિંગ, આશ્રમ રોડ
• ગુજરાત વિદ્યાપીઠને પણ મળશે સંરક્ષણ

આ પણ વાંચો : દિવાળી પહેલાં ગુજરાતથી ઉપડતી ટ્રેનોમાં ટિકિટ બુકિંગ કૌભાંડના આક્ષેપો, ડમી નામે સીટ બુક કરી મુસાફરોને આપ્યાની ફરિયાદ

આ યાદીમાં સૌથી મહત્ત્વપૂર્ણ ઉમેરાયેલાં નામમાં એક છે, ગુજરાત વિદ્યાપીઠ, જેની સ્થાપના મહાત્મા ગાંધીજીએ ૧૮ ઓક્ટોબર, ૧૯૨૦ના રોજ કરી હતી. આ ઉપરાંત નવજીવન પ્રેસનો પણ સમાવેશ કરવામાં આવ્યો છે, જ્યાં ગાંધીજીની આત્મકથા ‘સત્યના પ્રયોગો’નું પુસ્તક સ્વરૂપે પ્રકાશન ૨૯ નવેમ્બર, ૧૯૨૫ના રોજ થયું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ