7 ફોટો ગેલેરી

તમારા કામનું / 3 નહીં હવે 5 લોકોના હિસાબે નક્કી થશે પગાર? 8મા પગાર પંચમાં કર્મચારીઓએ મૂક્યો નવો ફોર્મ્યુલા

Last Updated: 02:34 PM, 15 September 2026

FOLLOW ON

શેર કરો

સરકારી કર્મચારીઓના પગારને લઈને 8મા પગાર પંચમાં નવી માંગ સામે આવી છે. કર્મચારી સંગઠનોએ પગાર નક્કી કરતી વખતે આશ્રિત માતા-પિતાને પણ પરિવારના હિસ્સા તરીકે ગણવાની માંગ કરી છે.

1/7

1. 8માં પગાર પંચને લઈ મોટી અપડેટ

8મા પગાર પંચમાં કર્મચારી સંગઠનોએ લઘુત્તમ પગાર નક્કી કરવા માટે નવો ફોર્મ્યુલા રજૂ કર્યો છે. આ પ્રસ્તાવમાં કર્મચારી, જીવનસાથી અને બાળકો સાથે આશ્રિત માતા-પિતાને પણ ગણતરીમાં સામેલ કરવાની માંગ છે.

આ તસવીર શેર કરો

2/7

2. 3ની જગ્યાએ 5 પરિવાર એકમની માંગ

હાલની ગણતરીમાં પરિવારના ત્રણ એકમને આધાર માનવામાં આવે છે. કર્મચારી સંગઠનોનું કહેવું છે કે આજના સમયમાં કર્મચારી પોતાના જીવનસાથી અને બાળકો ઉપરાંત આશ્રિત માતા-પિતાની જવાબદારી પણ નિભાવે છે. તેથી 8મા પગાર પંચમાં પરિવારની ગણતરી 5 એકમના આધારે કરવાની માંગ કરવામાં આવી છે.

આ તસવીર શેર કરો

3/7

3. માતા-પિતાને પણ ગણતરીમાં સામેલ કરવાની માંગ

NC-JCM અને ભારત પેન્શનર્સ સમાજ તરફથી રજૂ કરવામાં આવેલા પ્રસ્તાવમાં કર્મચારીને 1.0 એકમ અને જીવનસાથીને 1.0 એકમ ગણવાની વાત છે. બે બાળકોને 0.8-0.8 એકમ અને બે આશ્રિત માતા-પિતાને પણ કુલ 0.8 એકમ આપવાની ભલામણ છે. આ રીતે કુલ 5.2 એકમ થાય છે, જેને રાઉન્ડ કરીને 5 એકમ માનવાની માંગ છે.

આ તસવીર શેર કરો

4/7

4. ₹69 હજારની બેઝિક સેલરીની માંગ

આ નવા ફોર્મ્યુલાના આધારે કર્મચારી સંગઠનોએ લઘુત્તમ બેઝિક પગાર ₹69,000 કરવાની માંગ કરી છે. NC-JCMના ગણતરી મુજબ 5 એકમના પરિવાર માટે ખોરાક, રહેઠાણ, વીજળી, કૌશલ્ય વિકાસ અને અન્ય જરૂરી ખર્ચને ધ્યાનમાં લીધા બાદ ₹68,947નો આંકડો આવે છે, જેને રાઉન્ડ કરીને ₹69,000 ગણવામાં આવ્યો છે.

આ તસવીર શેર કરો

5/7

5. 3.833નો ફિટમેન્ટ ફેક્ટર પણ માંગ્યો

₹69,000ના લઘુત્તમ પગારના આધારે કર્મચારી સંગઠનોએ 3.833નો ફિટમેન્ટ ફેક્ટર સૂચવ્યો છે. તેમનો દાવો છે કે આ ફોર્મ્યુલા લાગુ થાય તો હાલના કર્મચારીઓ અને પેન્શનરોના પગાર-પેન્શનમાં નોંધપાત્ર વધારો થઈ શકે છે. જોકે આ માત્ર સંગઠનોની માંગ છે અને 8મા પગાર પંચે હજુ તેને મંજૂરી આપી નથી.

આ તસવીર શેર કરો

6/7

6. પેન્શનરોને પણ મોટો ફાયદો થઈ શકે

આ માંગનો લાભ માત્ર હાલ નોકરી કરતા કર્મચારીઓ સુધી મર્યાદિત રહે તે જરૂરી નથી. કર્મચારી અને પેન્શનર સંગઠનોએ પેન્શનની ગણતરીમાં પણ સુધારાની માંગ કરી છે. ભારત પેન્શનર્સ સમાજે લઘુત્તમ પેન્શન ₹45,000 અને છેલ્લે મળેલા પગારના 67% સુધી પેન્શન કરવાની ભલામણ પણ કરી છે.

આ તસવીર શેર કરો

7/7

7. અંતિમ નિર્ણય શું હશે?

8મું કેન્દ્રીય પગાર પંચ હાલમાં કર્મચારીઓ અને પેન્શનર સંગઠનો પાસેથી સૂચનો લઈ રહ્યું છે. સત્તાવાર વેબસાઇટ મુજબ પંચની રચના થઈ ચૂકી છે અને વિવિધ સંગઠનો સાથે બેઠકો તથા રાજ્યવાર મુલાકાતો ચાલી રહી છે. તેથી ₹69,000 બેઝિક પગાર અથવા 5 પરિવાર એકમનો ફોર્મ્યુલા હાલમાં માંગ અને પ્રસ્તાવ છે, અંતિમ નિર્ણય નથી.

આ તસવીર શેર કરો

સંકળાયેલા મુદ્દાઓ

5 Unit Family Formula Minimum Basic Salary 8th Pay Commission