ગુજરાત / વિજાપુરના BOB ATMમાં ઘૂસી ગાયો, ગ્રાહકોમાં ફફડાટ, જુઓ Video

મહેસાણા જિલ્લાના વિજાપુરમાં બેંકના ATM સેન્ટરને લઈને એક ચોંકાવનારી ઘટના સામે આવી છે. વિજાપુરના ટીબી રોડ પર આવેલા બેંક ઓફ બરોડા (BOB)ના ATMમાં ગાય ઘૂસી જતાં ATM સેન્ટરમાં ગ્રાહકોની જગ્યાએ ગાયોનો અડિંગો જોવા મળ્યો હતો. સામાન્ય રીતે ATM સેન્ટરમાં લોકો રૂપિયા ઉપાડવા, ખાતામાંથી જરૂરી રકમ મેળવવા અથવા પાસબુક એન્ટ્રી જેવા કામ માટે આવતા હોય છે, પરંતુ અહીં સ્થિતિ કંઈક અલગ જ જોવા મળી હતી. ATM સેન્ટરની અંદર ગાય ઘૂસી જતા ગ્રાહકો માટે મુશ્કેલી ઊભી થઈ હતી.

વિજાપુરના TB રોડ પર આવેલા આ ATMમાં ગાય બેફામ રીતે અંદર ઘૂસી આવી હતી. જેના કારણે રૂપિયા ઉપાડવા કે પાસબુક એન્ટ્રી માટે આવતા ગ્રાહકોમાં ભયનો માહોલ જોવા મળ્યો હતો. ATMમાં ગાયને જોઈને કેટલાક ગ્રાહકો ડરના માર્યા ત્યાંથી ભાગી ગયા હતા. ગ્રાહકો માટે ATM જેવી જગ્યાએ પણ હવે સુરક્ષાનો પ્રશ્ન ઊભો થયો છે. લોકો પોતાના જરૂરી બેંકિંગ કામ માટે ATM સેન્ટર પર આવે અને ત્યાં ગાય જોવા મળે તો સ્વાભાવિક રીતે જ ભયનો માહોલ સર્જાય તેવું છે.

જગ્યાએ ગ્રાહકોની અવરજવર સતત રહેતી હોય

ખાસ વાત એ છે કે ATM સેન્ટર જેવી જગ્યાએ ગ્રાહકોની અવરજવર સતત રહેતી હોય છે. અહીં કોઈ વ્યક્તિ રૂપિયા ઉપાડવા માટે આવે, પાસબુક એન્ટ્રી કરવા આવે કે અન્ય બેંકિંગ કામ માટે આવે ત્યારે અચાનક ગાય તેની સામે આવી જાય તો ગંભીર સ્થિતિ સર્જાઈ શકે છે. ગાય ભડકી જાય અથવા કોઈ વ્યક્તિને અડફેટે લે તો ઈજા પણ થઈ શકે છે. ત્યારે સૌથી મોટો સવાલ એ છે કે જો આ ગાય કોઈ ગ્રાહકને ઈજા પહોંચાડશે તો તેની જવાબદારી કોની રહેશે?

ATM સેન્ટરની સુરક્ષા વ્યવસ્થા સામે પણ સવાલો ઉભા કર્યા

વિજાપુરના ટીબી રોડ પર બનેલી આ ઘટનાએ બેંક અને ATM સેન્ટરની સુરક્ષા વ્યવસ્થા સામે પણ સવાલો ઉભા કર્યા છે. ગ્રાહકો માટે બનાવવામાં આવેલા ATM સેન્ટરમાં ગાય કેવી રીતે ઘૂસી ગઈ અને તેને રોકવા માટે કોઈ વ્યવસ્થા કેમ કરવામાં આવી નથી તે પણ ચર્ચાનો વિષય બન્યો છે. ATMમાં આવતા ગ્રાહકોની સુરક્ષા માટે યોગ્ય વ્યવસ્થા હોવી જરૂરી છે. ખાસ કરીને જ્યાં લોકોની સતત અવરજવર હોય છે ત્યાં આવી સ્થિતિ ફરી ન સર્જાય તે માટે જવાબદાર તંત્ર અને બેંક દ્વારા જરૂરી પગલાં લેવામાં આવે તેવી લોકોમાં માંગ ઉઠી શકે છે.

આ પણ વાંચો : ખાલિસ્તાની ગ્રુપના નામે રાજકોટ કોર્ટને ધમકીભર્યો મેઈલ, ડ્રોન હુમલાની પણ ધમકીથી ખળભળાટ

એક તરફ લોકો ATMમાં પોતાના પૈસા સુરક્ષિત રીતે ઉપાડવા માટે આવે છે, ત્યારે બીજી તરફ ATMની અંદર જ ગાયોનો અડિંગો જોવા મળે તે ખરેખર ચિંતાજનક બાબત છે. વિજાપુરની આ ઘટનાએ માત્ર ATMની વ્યવસ્થા જ નહીં પરંતુ ગ્રાહકોની સુરક્ષા અંગે પણ ગંભીર સવાલ ઉભો કર્યો છે. હવે જોવાનું એ રહેશે કે બેંક દ્વારા આ મામલે શું કાર્યવાહી કરવામાં આવે છે અને ભવિષ્યમાં ATM સેન્ટરમાં આવી ઘટના ફરી ન બને તે માટે શું વ્યવસ્થા કરવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ