જાહેરાત / પેન્શનધારકો માટે મહત્વના સમાચાર, આ સરકારે પેન્શનની રકમમાં કર્યો વધારો, જાણો વિગત

• ઉત્તરાખંડ સરકારની મહત્વની જાહેરાત 
• દિવ્યાંગ, વૃદ્ધ અને વિધવા મહિલાઓની પેન્શનની રકમમાં વધારો
• મુખ્ય સચિવ અલ ફૈનઈએ આપી માહિતી 

દિવ્યાંગ, વૃદ્ધ અને વિધવા મહિલાઓ માટે મહત્વના સમાચાર સામે આવ્યા છે. રાજ્ય સરકારે ચાલુ નાણાકીય વર્ષમાં બીજી વખત લગભગ 1.25 લાખ પેન્શનધારકોને સારા સમાચાર આપ્યા છે. સરકારે ફરીથી પેન્શનમાં વધારો કર્યો છે. અગાઉ એપ્રિલના પ્રથમ સપ્તાહમાં પેન્શનની રકમ 200 રૂપિયા વધારીને 1400 રૂપિયા કરવામાં આવી હતી. હવે સરકારે તેમાં ફરી 100 રૂપિયાનો વધારો કરીને 1500 રૂપિયા કરી દીધા છે. એટલે કે માત્ર એક મહિનામાં પેન્શનધારકોને બે વખત સારા સમાચાર મળ્યા છે.

આ સરકારે કર્યો પેન્શનની રકમમાં વધારો 

એક ખાનગી સમાચાર પત્રમાં છપાયેલા સમાચાર અનુસાર  સરકાર દ્વારા આ માટે સૂચનાઓ પણ જારી કરવામાં આવી છે. સરકાર તરફથી મળેલી સૂચનાઓમાં સમાજ કલ્યાણ વિભાગે 1 એપ્રિલથી 7.23 લાખ પેન્શનધારકોને પ્રથમ ત્રિમાસિક ગાળા માટે 4500 રૂપિયાની રકમ આપવાની તૈયારીઓ શરૂ કરી દીધી છે. નોંધનીય છે કે ઉત્તરાખંડમાં છેલ્લી વખત 2014માં પેન્શનની રકમમાં વધારો કરવામાં આવ્યો હતો. ત્યારબાદ વૃદ્ધાવસ્થા, વિકલાંગ અને વિધવા પેન્શનની રકમ દર મહિને વધારીને 1200 રૂપિયા કરવામાં આવી. હવે ફરી આ વર્ષે એટલે કે માર્ચ 2022માં પેન્શનરોને મળતી રકમમાં વધારો કરવામાં આવ્યો છે. સીએમ પુષ્કર સિંહ ધામીએ ત્રણેય વર્ગોનું પેન્શન 1200 થી વધારીને 1400 કરવાની જાહેરાત કરી છે. ફરી એકવાર મુખ્યમંત્રીએ પેન્શનની રકમમાં વધારો કર્યો છે.

હવે ત્રણ મહિનાના કુલ રૂ.4500 મોકલાશે

આ અંગે માહિતી આપતાં મુખ્ય સચિવ અલ ફૈનઈએ જણાવ્યું કે વિકલાંગ, વૃદ્ધ અને વિધવા મહિલાઓનું પેન્શન વધારીને 1500 રૂપિયા પ્રતિ માસ કરવામાં આવ્યું છે. હવે દર ત્રણ મહિને સમાજ કલ્યાણ વિભાગ દ્વારા લાભાર્થીઓના ખાતામાં 4500 રૂપિયાનું પેન્શન મોકલવામાં આવશે.  પહેલા પેન્શન ઘારકોના ખાતામાં માસિક 1400ના હિસાબે 4200 જમા થતા હતા. એટલે કે આ વખતે વૃદ્ધા, વિધવા અને વિકલાંગ પેન્શનરોની પેન્શનની રકમમાં 100 રૂપિયાનો વધારો કરવામાં આવ્યો છે, જેના કારણે તેમનું પેન્શન 1400 રૂપિયાથી વધીને હવે 1500 રૂપિયા થઈ ગયું છે. હવે વૃદ્ધો, વિકલાંગો અને વૃદ્ધાવસ્થા પેન્શનના લાભાર્થીઓને 4500 રૂપિયાની પેન્શનની રકમ દર ત્રિમાસિકમાં મોકલવામાં આવશે.