ન્યૂઝ અપડેટ્સ
Last Updated: 10:37 PM, 22 November 2026
ADVERTISEMENT
રશિયાના રાષ્ટ્રપતિ વ્લાદિમીર પુતિને એક વખત ફરી ભારત અને તેની સાંસ્કૃતિક વિવિધતાની પ્રશંસા કરી છે. તેમને પ્રધાનમંત્રી નરેન્દ્ર મોદી સાથે થયેલી એક વાતચીતનો ઉલ્લેખ કરતાં ભારતની ભાષાઈ વિવિધતા પર વિશેષ રીતે વાત કરી.
ADVERTISEMENT
રશિયન ન્યૂઝ એજન્સી સ્પુતનિક અનુસાર, એક ઈન્ટરવ્યૂમાં પુતિને કહ્યું કે ભારતીય સંસ્કૃતિ વિશ્વની સૌથી પ્રાચીન સંસ્કૃતિઓમાંની એક છે. તેમને કહ્યું, “જેમ જેમ હું તેના વિશે વધુ જાણું છું, તેમ તેમ હું વધુ પ્રભાવિત થતો જાઉં છું.” તેમને પ્રધાનમંત્રી મોદી સાથેની તાજેતરની વાતચીત યાદ કરતાં કહ્યું કે, તેમને પૂછ્યું હતું કે ભારતમાં સત્તાવાર ભાષા બોલનારા લોકોની સંખ્યા કેટલી છે. મોદીએ જવાબ આપ્યો – લગભગ 60કરોડ. ત્યારબાદ પુતિને દેશની કુલ વસ્તી વિશે પૂછ્યું, જેના જવાબમાં મોદીએ કહ્યું – દોઢ અબજ.
પુતિને આશ્ચર્ય વ્યક્ત કરતાં કહ્યું કે આનો અર્થ એ થયો કે વસ્તીનો માત્ર એક તૃતીયાંશ ભાગ જ મુખ્ય ભાષા બોલે છે. બાકીના બે તૃતીયાંશ વિશે પૂછતાં મોદીએ જવાબ આપ્યો કે તેઓ પોતપોતાની ભાષાઓ બોલે છે. પુતિને આને “કમાલની વાત” ગણાવતાં કહ્યું કે આ વાસ્તવમાં આશ્ચર્યજનક છે.
ADVERTISEMENT
ભારતમાં હિન્દી અને અંગ્રેજી બે ઓફીશીયલ ભાષાઓ છે પણ કોઈ રાષ્ટ્રીય ભાષા નથી. બંધારણની આઠમી અનુસૂચિમાં 22 ભાષાઓને માન્યતા આપવામાં આવી છે, જેમાં અસમિયા, બંગાળી, ગુજરાતી, કન્નડ, પંજાબી, તમિલ, તેલુગુ, ઉર્દૂ વગેરેનો સમાવેશ થાય છે.
ADVERTISEMENT
પુતિનનું આ ઈન્ટરવ્યૂ સોશિયલ મીડિયા પર ઝડપથી વાયરલ થઈ રહ્યું છે. ગયા મહિને વલ્દાઈ ડિસ્કશન ક્લબમાં બોલતાં પણ તેમને ભારતને “અનોખું, વિવિધ અને એકસૂત્ર” ગણાવ્યું હતું અને કહ્યું હતું કે ભારત પોતાના પાયે અને વિવિધતાથી દરેકને આશ્ચર્યમાં મૂકી દે છે. આ વાર્તાલાપ સપ્ટેમ્બરમાં નવી દિલ્હીમાં યોજાયેલી બ્રિક્સ સમિટ દરમિયાન મોદી-પુતિન મુલાકાતના કેટલાક મહિના પછી આવી છે. આ વર્ષે બંને નેતાઓની બે વાર મુલાકાત થઈ ચૂકી છે.
ADVERTISEMENT
સંકળાયેલા મુદ્દાઓ
વધુ વાંચો