ન્યૂઝ અપડેટ્સ
Last Updated: 05:53 PM, 22 November 2026
ADVERTISEMENT
દેશની સેવા કરતા અગ્નીવીરો માટે એક મોટી ખુશખબરી આવી છે. હવે તેમને 6 વર્ષની સંપૂર્ણ સર્વિસ પૂરી થાય ત્યાં સુધી લગ્નની રાહ જોવી નહીં પડે. જેમાં બે વર્ષના સેકન્ડ ટૂર ઓફ ડ્યુટીમાં જોડાતા અગ્નીવીરો લગ્ન કરી શકશે. જોકે આ માટે અમુક સ્પષ્ટ શરતો નક્કી કરવામાં આવી છે.
ADVERTISEMENT
પહેલા ચાર વર્ષની સેવા દરમિયાન અગ્નીવીરે અપરિણીત રહેવું ફરજિયાત છે. બીજા કાર્યકાળ માટે અરજી કરતી વખતે પણ તે અપરિણીત હોવો જોઈએ. બીજા કાર્યકાળમાં જોડાયા પછી લગભગ ચાર અઠવાડિયાની ટૂંકી ટ્રેનીંગ પૂરી કરવાની રહેશે. આ ટ્રેનીંગ સફળતાપૂર્વક પૂરી થતાં જ લગ્નની મંજૂરી મળી જશે.
આ નિર્ણય એવા સમયે આવ્યો છે જ્યારે અગ્નીપથ યોજના હેઠળ ભરતી થયેલા પહેલા બેચના જવાનોનો ચાર વર્ષનો કાર્યકાળ પૂરો થઈ રહ્યો છે. જેમાં નૌસેનાના પહેલા બેચે પહેલેથી જ આ ઓપ્શન મેળવી લીધો છે. જેમાં સેના અને વાયુસેનાના પહેલા બેચનો પીરીયડ પણ આવતા મહિને પૂરો થવાનો છે.
ADVERTISEMENT
અગ્નીપથ યોજના અનુસાર શરૂઆતની નિમણૂક ચાર વર્ષ માટે થાય છે. તેમાંથી 25 ટકા જવાનોને મેરિટના આધારે નિયમિત કેડરમાં જગ્યા મળે છે. બાકીના પાત્ર અગ્નીવીરોને બે વર્ષની વધારાની સેવા પસંદ કરવાનો ઓપ્શન આપવામાં આવે છે. સરકારે 4 નવેમ્બરે આ સેકન્ડ ટૂરને મંજૂરી આપી હતી. તેનો મુખ્ય હેતુ ટ્રેનીંગ પામેલા જવાનોને વધુ સમય સુધી સેવામાં રાખવાનો છે.
જેમાં ભરતી સમયે અગ્નીવીરોની ઉંમર સામાન્ય રીતે 17.5 થી 21 વર્ષ વચ્ચે હોય છે. પાંચમા વર્ષ સુધી પહોંચતાં ઘણા જવાનો 23 કે 24 વર્ષના થઈ જાય છે. ખાસ કરીને ગ્રામ્ય અને નાના શહેરોમાંથી આવતા યુવાનો માટે લગ્ન અને પરિવારનો નિર્ણય મહત્વનો બને છે. એટલે જ બીજા કાર્યકાળમાં લગ્નની છૂટ આપવામાં આવી છે.
ADVERTISEMENT
ADVERTISEMENT
ઉલ્લેખનીય છે કે, આ અંગે ચીફ ઓફ ડિફેન્સ સ્ટાફ જનરલ એનએસ રાજા સુબ્રમણીએ કહ્યું હતું કે, અગ્નીપથ યોજના કોઈ "પથ્થરની લકીર" નથી. જરૂરિયાત મુજબ તેમાં ફેરફાર થતા રહેશે. જેમાં બે વર્ષનો વધારાનો કાર્યકાળ અને લગ્નની મંજૂરી આ જ પ્રક્રિયાનો ભાગ છે. જેમાં સરકાર ટ્રેનીંગ પામેલા જવાનોના અનુભવનો વધુ ઉપયોગ કરવા સાથે તેમની પર્સનલ જરૂરિયાતોને પણ ધ્યાનમાં રાખી રહી છે.
ADVERTISEMENT
સંકળાયેલા મુદ્દાઓ