ન્યૂઝ અપડેટ્સ

logo

VTV / ગુજરાત / અન્ય જિલ્લા / લીલી પરિક્રમા દરમિયાન દાતાર પર્વત પર એક યાત્રિકે ગુમાવ્યો જીવ, શ્રદ્ધાળુઓમાં શોકની લાગણી પ્રસરી

દુઃખદ / લીલી પરિક્રમા દરમિયાન દાતાર પર્વત પર એક યાત્રિકે ગુમાવ્યો જીવ, શ્રદ્ધાળુઓમાં શોકની લાગણી પ્રસરી

Published By: Vishal Khamar
Reported By: Jay Virani

Last Updated: 08:45 PM, 21 November 2026

logo

FOLLOW ON

logo

શેર કરો

logo logo logo
article-logo

ગીરનારની પરિક્રમા કરવા આવેલા યાત્રિકનું દાતાર પર્વત પર ચીથરિયા પીરની જગ્યા નજીક હૃદયરોગના હુમલાથી મોત થયું. દુર્ગમ રસ્તા અને ઊંચાઈના કારણે મૃતદેહ નીચે ઉતારવાની કામગીરી પડકારજનક બની.

ADVERTISEMENT

ગીરનારની પવિત્ર પરિક્રમા દરમિયાન એક દુઃખદ ઘટના સામે આવી છે. ઉપર દાતાર પર્વત પર ચીથરિયા પીરની જગ્યા નજીક પરિક્રમા કરવા આવેલા એક યાત્રિકને અચાનક હૃદયરોગનો હુમલો આવતા તેમનું સ્થળ પર જ મોત નીપજ્યું હતું. ઘટનાની જાણ થતાં જ જગ્યા ના મહંત ભીમ બાપુ દ્વારા તાત્કાલિક કાર્યવાહી હાથ ધરવામાં આવી હતી. મૃતક યાત્રિકના મૃતદેહને પર્વત પરથી નીચે ઉતારવાની કામગીરી શરૂ કરવામાં આવી હતી. જોકે, પર્વતની ઊંચાઈ અને દુર્ગમ રસ્તાને કારણે મૃતદેહને નીચે લાવવાની કામગીરી મુશ્કેલ બની હતી. આ કરુણ ઘટનાને પગલે ગીરનાર પરિક્રમા કરવા આવેલા શ્રદ્ધાળુઓમાં શોકની લાગણી ફેલાઈ ગઈ હતી.

નવ નાથ, ચોર્યાસી સિદ્ધ અને ચોસઠ જોગણીઓના પવિત્ર બેસણા સમાન જૂનાગઢના ગિરનારની લીલી પરિક્રમામાં આ વર્ષે ભક્તિ અને શ્રદ્ધાનો અદભૂત માહોલ જોવા મળ્યો છે. 36 કિલોમીટરની આ પવિત્ર પરિક્રમામાં બે લાખથી વધુ શ્રદ્ધાળુઓએ માત્ર 36 કલાકના ટૂંકા ગાળામાં પરિક્રમા પૂર્ણ કરી ભવનાથ તરફ પરત ફરી પુણ્યનું ભાથું બાંધ્યું છે.

પરંપરા મુજબ 21 તારીખની મોડી રાત્રે સાધુ-સંતો અને વનવિભાગના અધિકારીઓની ઉપસ્થિતિમાં વિધિવત રીતે પરિક્રમાના ગેટ ખોલવામાં આવ્યા હતા. જોકે, પરિક્રમામાં ભાગ લેવા માટે આવતા ભાવિકોની સંખ્યામાં એક દિવસ અગાઉથી જ મોટો વધારો જોવા મળતા તંત્ર દ્વારા ભીડને ધ્યાનમાં રાખીને 19 તારીખની સવારથી જ પરિક્રમા શરૂ કરાવી દેવામાં આવી હતી.

શ્રદ્ધાળુઓનો ભારે ધસારો જોવા મળ્યો

આમ, નિર્ધારિત સમય કરતાં વહેલી શરૂ થયેલી પરિક્રમામાં શ્રદ્ધાળુઓનો ભારે ધસારો જોવા મળ્યો હતો. ગુજરાતના વિવિધ જિલ્લાઓ ઉપરાંત દેશના અલગ-અલગ રાજ્યો તેમજ વિદેશમાંથી પણ મોટી સંખ્યામાં ભાવિકો ગિરનારની પરિક્રમામાં જોડાયા હતા.

શ્રદ્ધાળુઓએ 36 કિલોમીટરનો કઠિન પદયાત્રાનો માર્ગ પૂર્ણ કર્યો

ગિરનારના જંગલ વિસ્તારના કુદરતી સૌંદર્ય વચ્ચે ભક્તિભાવથી આગળ વધતા શ્રદ્ધાળુઓએ 36 કિલોમીટરનો કઠિન પદયાત્રાનો માર્ગ પૂર્ણ કર્યો હતો. માત્ર 36 કલાકમાં બે લાખથી વધુ લોકોએ પરિક્રમા પૂર્ણ કરતાં સમગ્ર ભવનાથ વિસ્તારમાં ભક્તિમય વાતાવરણ સર્જાયું હતું.

આ પણ વાંચોઃ પાંચમા દિવસે ખેડૂતોનું આંદોલન ઉગ્ર બન્યું, ધોળકાના સરગવળા ગામે પોલીસ પર પથ્થરમારો

ગિરનારની પરિક્રમા માત્ર એક ધાર્મિક યાત્રા નથી, પરંતુ આસ્થા, સંસ્કૃતિ અને પરંપરાનો અનોખો સંગમ છે. દર વર્ષે લાખો શ્રદ્ધાળુઓને આકર્ષતી આ પરિક્રમાએ ફરી એકવાર જૂનાગઢની ધાર્મિક ઓળખ અને ગુજરાતની અખૂટ શ્રદ્ધાની ઝાંખી કરાવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ

સંકળાયેલા મુદ્દાઓ

Girnar Parikrama Death Datar Mountain News Girnar Parikrama News

Published by

Vishal Khamar

Vishal Khamar is Senior Sub-Editor at VTV Gujarati with 15+ years of digital journalism experience. He covers crime and civic issues.

background
logo

VTV Gujarati

WhatsApp Channel Invite

ફોલો કરો:

follow-on-tele follow-on-fb follow-on-twitter follow-on-youtube follow-on-insta follow-on-tele

સબસ્ક્રાઇબ કરો

સૌથી વધુ વંચાયેલું

ADVERTISEMENT

ADVERTISEMENT

log

હોમ પેજ

log

સમાચાર શોર્ટસ

લાઈવ ટીવી

log

શોર્ટસ વિડિઓ

log

મેનુ