ન્યૂઝ અપડેટ્સ
VTV / ગુજરાત / અન્ય જિલ્લા / સેલિબ્રિટીઝના વીડિયો વાયરલ થયા બાદ દ્વારકાધીશ મંદિર ટ્રસ્ટનો નિર્ણય, ફોટોગ્રાફી માટે લેવી પડશે પૂર્વ મંજૂરી, આટલી ફી નિયત કરાઈ
Last Updated: 07:03 PM, 21 November 2026
ADVERTISEMENT
દ્વારકા: યાત્રાધામ દ્વારકાના જગતમંદિર તરીકે ઓળખાતા દ્વારકાધીશ મંદિરમાં ફોટોગ્રાફી અને વીડિયોગ્રાફીને લઈને નવો નિર્ણય લેવામાં આવ્યો હોવાનો મામલો સામે આવ્યો છે. મંદિરની વ્યવસ્થાપક સમિતિની બેઠકમાં આ અંગે ઠરાવ કરવામાં આવ્યો હોવાનું જાણવા મળી રહ્યું છે. હાલ આ ઠરાવનો ફોટો સોશિયલ મીડિયામાં વાયરલ થતાં ભક્તોમાં ચર્ચા જાગી છે.
ADVERTISEMENT
ફોટોગ્રાફી માટે રૂ. 2,500ની ફી નક્કી કરવામાં આવી હોવાનું
વાયરલ થયેલા ઠરાવ મુજબ, હવે મંદિર પરિસરમાં ફોટોગ્રાફી કે વીડિયોગ્રાફી કરવા માટે પૂર્વ મંજૂરી લેવી ફરજિયાત રહેશે. ખાસ કરીને ભોગ-મનોરથ, ધ્વજાજી અને વિવિધ ધાર્મિક ઉત્સવોની ફોટોગ્રાફી માટે રૂ. 2,500ની ફી નક્કી કરવામાં આવી હોવાનું ઠરાવમાં દર્શાવવામાં આવ્યું છે.
ADVERTISEMENT
મંદિર દ્વારા ફોટોગ્રાફી અને વીડિયો ગ્રાફી માટે માણસ નિયુક્ત કરાયો
ADVERTISEMENT
આ ઉપરાંત, ફોટોગ્રાફી અને વીડિયોગ્રાફીની કામગીરી મંદિર સંસ્થા દ્વારા નિયુક્ત કરવામાં આવેલા ફોટોગ્રાફર પાસે જ કરાવવાની રહેશે તેવી જોગવાઈ પણ કરવામાં આવી હોવાનું સામે આવ્યું છે.

ADVERTISEMENT
પહેલા આર્કિયોલોજી વિભાગની મંજૂરી લેવી પડતી હતી
અત્રે ઉલ્લેખનીય છે કે, અગાઉ દ્વારકાધીશ મંદિર પરિસરમાં ફોટોગ્રાફી અને વીડિયોગ્રાફી માટે આર્કિયોલોજી વિભાગની પૂર્વ મંજૂરી લેવી પડતી હતી. આ માટે વિભાગ દ્વારા નક્કી કરવામાં આવેલી રૂ. 60 હજારની ફી ભર્યા બાદ જ મંજૂરી આપવામાં આવતી હોવાની માહિતી સામે આવી છે.
ADVERTISEMENT
ADVERTISEMENT
મંદિર પ્રશાસન દ્વારા હજુ સુધી કોઈ સત્તાવાર સ્પષ્ટતા કરવામાં આવી નથી
જોકે, વ્યવસ્થાપક સમિતિના આ નવા ઠરાવ અંગે મંદિર પ્રશાસન દ્વારા હજુ સુધી કોઈ સત્તાવાર સ્પષ્ટતા કરવામાં આવી નથી. સોશિયલ મીડિયામાં ઠરાવનો ફોટો વાયરલ થયા બાદ હવે મંદિર પ્રશાસન આ અંગે શું સ્પષ્ટતા કરે છે તેના પર સૌની નજર છે.
આ પણ વાંચોઃ ફરજ દરમિયાન ASI ગોદડું ઓઢી ઊંઘી ગયાં, ફરિયાદીને કહ્યું- '24 કલાક રાહ તો જુઓ', DySPએ આપ્યા તપાસના આદેશ
અગાઉ કોણ કોણ વિવાદમાં આવેલ છે
મંદિરમાં ફોટોગ્રાફી અને વીડિયોગ્રાફીને લઈને સર્જાયેલા વિવાદ બાદ મંદિર પ્રશાસન દ્વારા મહત્વપૂર્ણ નિર્ણય લેવામાં આવ્યો છે. અગાઉ કથાકાર મોરારી બાપુ અને લોકગાયક કીર્તિદાન ગઢવીનો મંદિર પરિસરમાંથી સામે આવેલો વીડિયો સોશિયલ મીડિયામાં વાયરલ થતાં ફોટો અને વીડિયો ઉતારવાના નિયમો અંગે ચર્ચા અને વિવાદ વકર્યો હતો. આ ઘટનાને ધ્યાનમાં રાખીને ભવિષ્યમાં આવી પરિસ્થિતિનું પુનરાવર્તન ન થાય અને વ્યવસ્થા જળવાઈ રહે તે માટે પ્રશાસને નવા નિયમો અમલમાં મૂકવાનો નિર્ણય કર્યો હોવાનું જાણવા મળી રહ્યું છે. નવા નિયમો અનુસાર હવે શ્રદ્ધાળુઓ અને મુલાકાતીઓ નિયત ફી ચૂકવીને મંદિર પરિસરમાં અધિકૃત મંજૂરી સાથે ફોટોગ્રાફી અને વીડિયોગ્રાફી કરી શકશે.
સંકળાયેલા મુદ્દાઓ
Vishal Khamar is Senior Sub-Editor at VTV Gujarati with 15+ years of digital journalism experience. He covers crime and civic issues.