કામની વાત / PF એકાઉન્ટમાં ઓછામાં ઓછી રકમ જમા ન કરવા પર શું થાય? જાણો નિયમ

તમે દર વર્ષે તમારા પબ્લિક પ્રોવિડન્ટ ફંડ (PPF) ખાતામાં પૈસા જમા કરો છો, તો દર વર્ષે ઓછામાં ઓછી રકમ જમા કરવી મહત્વપૂર્ણ છે. જો કે મોટાભાગના લોકો માને છે કે તેઓ જ્યારે પણ ઈચ્છે ત્યારે તેમના પીપીએફ ખાતામાં પૈસા જમા કરી શકે છે. જો તમને આવું લાગે છે તો તે સાચું નથી.

સરકારે આ માટે ન્યૂનતમ રોકાણની આવશ્યકતા નક્કી કરી છે. તેથી જો તમે નિર્ધારિત નિયમો અનુસાર તમારા ખાતામાં પૈસા જમા ન કરાવો, તો તમારું ખાતું નિષ્ક્રિય થઈ શકે છે, જેના કારણે તમને વિવિધ સમસ્યાઓનો સામનો કરવો પડી શકે છે.

દર વર્ષે કેટલા પૈસા જમા કરાવવા જરૂરી ?

એક નાણાકીય વર્ષમાં પીપીએફ ખાતામાં ઓછામાં ઓછા ₹500 અને વધુમાં વધુ ₹1.5 લાખ જમા કરાવી શકાય છે. તમે આ રકમ એક જ વારમાં અથવા હપ્તામાં જમા કરાવી શકો છો. જોકે સમગ્ર નાણાકીય વર્ષ દરમિયાન ઓછામાં ઓછા ₹500 જમા કરાવવા ખૂબ જરૂરી છે.

તમે ઓછામાં ઓછી રકમ જમા ન કરાવો તો શું થશે?

તમે નાણાકીય વર્ષમાં તમારા પીપીએફ ખાતામાં ઓછામાં ઓછી ₹500 જમા ન કરાવો, તો તમારું ખાતું નિષ્ક્રિય થઈ જશે. આનાથી તમારા PPF ખાતામાં સામાન્ય વ્યવહારો કરવામાં મુશ્કેલી પડી શકે છે. તેથી સમયસર લઘુત્તમ રકમ જમા કરાવવી ખૂબ મહત્વપૂર્ણ છે.

આ પણ વાંચોઃ નેશનલ / આ દેશનો પાસપોર્ટ દુનિયામાં બન્યો નંબર-1, જાણો રેન્કિંગમાં ભારત કયા ક્રમાંકે

ખાતું ફરીથી કેવી રીતે ચાલુ થશે?

જો તમારું પીપીએફ ખાતું નિષ્ક્રિય થઈ ગયું હોય તો તમે તેને ફરીથી ચાલુ કરી શકો છો. આ માટે દરેક ચૂકી ગયેલા નાણાકીય વર્ષ માટે ઓછામાં ઓછી ₹500 જમા કરાવવાની જરૂર છે, ઉપરાંત ₹50 નો દંડ પણ ભરવો પડશે. બધી બાકી રકમ જમા કરાવ્યા પછી તમારું ખાતું ફરીથી ચાલુ કરી શકાય છે.

તેથી જો તમે હજુ સુધી તમારા પીપીએફ ખાતામાં ઓછામાં ઓછી રકમ જમા કરાવી નથી, તો શક્ય તેટલી વહેલી તકે તેને પૂર્ણ કરો જેથી તમારું ખાતું ચાલુ રહે અને ભવિષ્યની સમસ્યાઓ ટાળી શકાય.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ