તલાક બાદ પત્નીને પૈસા ન આપવા પડે તે માટે એક બિઝનેસમેને 7.13 કરોડ રૂપિયા (10 લાખ ડોલર) સળગાવી નાખ્યા હતા. અદાલતે આ મામલે અપમાન બદલ 30 દિવસની સજા અને દરરોજ દોઢ લાખ રૂપિયા ચૂકવવાની સજા ફટકારી છે.
પતિએ 7.13 કરોડ રૂપિયા સળગાવ્યા
અદાલતના અપમાન બદલ તેને 30 દિવસની સજા ફટકારાઈ
દોઢ લાખ દંડ ભરવાનો આદેશ આપ્યો
તલાક બાદ પત્નીને રકમ ન આપવી પડે તે માટે કેનેડાના એક બિઝનેસમેન બ્રુસ મેકકોનવિલે (ઉં.વ.૫૫) એ 7.13 કરોડ રૂપિયા (10 લાખ ડોલર) સળગાવી નાખ્યા હતા.
આ રકમ તેણે ગત વર્ષના સપ્ટેમ્બર અને ડિસેમ્બરમાં સળગાવી હતી, જોકે તેના કોઈ પુરાવા નથી. પરંતુ તેણે આ બાબતનો સ્વીકાર કર્યો છે. અદાલતના અપમાન બદલ તેને 30 દિવસની સજા ફટકારાઈ છે.
બ્રુસે અદાલતને જણાવ્યું હતું કે, તે પત્નીની તલાક પ્રક્રિયાથી કંટાળી ગયો હતો. એટલે પૈસા સળગાવી નાખ્યા હતા.
અદાલતનું નિવેદન
જજ કેવિને જણાવ્યું હતું કે, દાઝ કાઢવા માટે તેં માત્ર અદાલતની મજાક નથી ઉડાવી પણ તારાં બાળકોનાં હિત સામે પણ આંખ આડા કાન કર્યા છે. અદાલતે બ્રુસને સંપત્તિની જાણકારી ન આપવા સબબ દરરોજ લગભગ દોઢ લાખ (2 હજાર ડોલર) દંડ ભરવા પણ કહ્યું હતું.