રાજકારણ / કોણ છે કોયલ મલ્લિક, જેને પશ્ચિમ બંગાળથી ભાજપ રાજ્યસભા મોકલી રહ્યું છે, મમતા દીદી સાથે પણ છે ખાસ સંબંધ

રાજ્યસભા ચૂંટણી માટે ભાજપે પોતાના બે ઉમેદવારોના નામની ઘોષણા કરી દીધી છે. જેમાં એક નામ કોયલ મલ્લિકનું છે તો બીજું નામ દિનેશ આર્યનું છે. કોયલને ભાજપે પશ્ચિમ બંગાળથી રાજ્યસભાના ઉમેદવાર તરીકે પસંદ કર્યાં છે, જ્યારે દિનેશ આર્યને ઉત્તરાખંડથી રાજ્યસભા ચૂંટણીના ઉમેદવાર બનાવવામાં આવ્યા છે.

કોયલ મલ્લિક અગાઉ પણ રાજ્યસભામાં સૌકોઈને પોતાની સુંદરતાથી મોહિત કરી ચૂક્યાં છે, પરંતુ તે સમયે તેઓ દિલ્હીમાં મમતા બેનરજીના અવાજને બળ આપી રહ્યાં હતાં. જો કે હવે કોયલ ભાજપ માટે ઉપલાં સદનમાં ભાષણ આપતી જોવા મળશે.કોયલ મલ્લિક બંગાળની મશહૂર અભિનેત્રી છે, અને તેમના પિતા પણ બંગાળી સિનેમાના એક્ટર છે.

અસલી નામ છે રૂક્મિણી મલ્લિક

View this post on Instagram

A post shared by Koel Mallick (@yourkoel)

આ વર્ષે જ કોયલ મલ્લિક TMC પાર્ટીના નેજા હેઠળ રાજ્યસભા પહોંચી હતી, પરંતુ વિધાનસભા ચૂંટણીના પરિણામ પછી મમતા બેનરજીની પાર્ટીમાં મચેલી ભાગદોડ દરમિયાન તેમણે પણ તૃણમૂલ કોંગ્રેસમાંથી રાજીનામું આપી દીધું હતું અને BJP જોઈન કરી લીધી હતી. હવે ભાજપ તેમને રાજ્યસભા મોકલી રહ્યું છે. કોયલ મલ્લિકનું અસલી નામ રૂક્મિણી મલ્લિક છે. તેમને ટૉલી ક્વીન તરીકે પણ ઓળખવામાં આવે છે.

આ પણ વાંચો- વિધાનસભા ચૂંટણી પહેલા કોંગ્રેસ નવાજૂનીના મૂડમાં, લેશે આ નિર્ણય

કોયલ મલ્લિકના પિતા રણજીત મલ્લિક પણ એક્ટર છે

View this post on Instagram

A post shared by Koel Mallick (@yourkoel)

બંગાળી ફિલ્મોમાં અભિનયની સાથોસાથ કોયલ મલ્લિક સોશિયલ મીડિયા પર પણ એક્ટિવ રહે છે. સોશિયલ મીડિયા પર તેમનું ફેન-ફોલોઈંગ જબરું છે. ઈન્સ્ટાગ્રામ પર કોયલને 31 લાખથી વધુ લોકો ફૉલો કરી રહ્યા છે. તેમના પિતા રણજીત મલ્લિક બંગાળી સિનેમાના દિગ્ગજ અભિનેતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ