અમદાવાદ / 5 ઓક્ટોબરથી રાજ્યભરના વકીલોનું અચોક્કસ મુદ્દતની હડતાળનું આહવાન

ગુજરાત ભાડા વિધેયકને લઈને રાજ્યભરમાં વકીલોમાં વિરોધ યથાવત્ છે. વિધેયકના વિરોધમાં અગાઉ બે દિવસની હડતાળ યોજાયા બાદ પણ કોઈ નિર્ણય ન આવતા હવે વકીલોએ આંદોલન વધુ ઉગ્ર બનાવવાનો નિર્ણય લીધો છે.

ગુજરાત બાર કાઉન્સિલ સહિત રાજ્યભરના વકીલોએ સોમવારથી અચોક્કસ મુદ્દતની હડતાળ પર જવાની જાહેરાત કરી છે. વકીલોનો મુખ્ય વિરોધ નવા કાયદામાં સત્તાઓના વિકેન્દ્રીકરણને લઈને હોવાનું જણાવવામાં આવી રહ્યું છે.

વકીલોના જણાવ્યા મુજબ, નવા કાયદામાં મહત્વની સત્તાઓ ડેપ્યુટી કલેક્ટર અને ડેપ્યુટી કમિશનરને સોંપવામાં આવી રહી છે. આ જોગવાઈને લઈને વકીલોમાં અસંતોષ છે અને તેઓ સરકાર સમક્ષ પોતાની માંગણીઓ રજૂ કરી રહ્યા છે.

બે દિવસની હડતાળ બાદ પણ કોઈ સમાધાનકારી નિર્ણય સામે ન આવતા હવે રાજ્યભરના વકીલો અચોક્કસ મુદ્દતની હડતાળમાં જોડાશે. ગુજરાત બાર કાઉન્સિલે પણ આ હડતાળને સમર્થન આપતાં આંદોલનમાં જોડાવાની જાહેરાત કરી છે.

આ પણ વાંચોઃ શું ગુજરાતમાંથી ચોમાસું વિદાય લેશે? જાણો ભાદરવાની ગરમી વચ્ચે હવામાન વિભાગની આગાહી

આ હડતાળના પગલે રાજ્યની વિવિધ અદાલતોમાં વકીલોની કામગીરી અને કોર્ટ કાર્યવાહી પર અસર થવાની શક્યતા છે. હવે સરકાર અને વકીલ સંગઠનો વચ્ચે આ મુદ્દે આગામી દિવસોમાં શું ચર્ચા થાય છે અને કોઈ ઉકેલ આવે છે કે નહીં તેના પર નજર રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ