નેશનલ / ચમત્કાર કે પછી રહસ્ય? 4 દિવસ મથ્યા અધિકારીઓ છતાં 8 ફૂટની હનુમાનની પ્રતિમા ટસથી મસ ના થઇ

મધ્ય પ્રદેશના ઉજ્જૈનમાં ખડા હનુમાનજીની મૂર્તિને લઈને અચાનક ચર્ચા ચાલી રહી છે. સિંહસ્થ કુંભની તૈયારીઓના ભાગરૂપે કંઠાન-છત્રી રોડને પહોળો કરવાની યોજના હતી જેમાં આ મંદિર અડચણરૂપ બની રહ્યું હતું. જેમાં વહીવટી તંત્રે મંદિરની છત અને દીવાલો તોડી નાખી પણ જ્યારે મૂર્તિને ખસેડવાની વારો આવ્યો ત્યારે વાત અટકી ગઈ.

છેલ્લા ચાર દિવસથી ભારે ક્રેન અને જેસીબીની મદદથી મૂર્તિને હલાવવાના પ્રયાસો થઈ રહ્યા છે પણ તે ટસ નથી થઈ. જેમાં અમુક લોકો તેને ચમત્કાર માની રહ્યા છે તો કેટલાક કહે છે કે હનુમાનજી અહીંથી જવા માંગતા નથી. મૂર્તિની સુરક્ષા માટે હાલ તંબુની વ્યવસ્થા કરવામાં આવી છે.

હવે નગર નિગમે આર્કિયોલોજિકલ સર્વે ઓફ ઇન્ડિયા (ASI)ની ટીમને બોલાવી છે. જેમાં અંદાજ છે કે આ મૂર્તિ લગભગ 170 વર્ષ જૂની હોઈ શકે છે પણ અમુક કહે છે કે તે પરમાર વંશ કે રાજા ભોજના સમયની હોઈ શકે છે, એટલે કે હજાર વર્ષથી પણ વધુ જૂની. આઠ ફૂટ ઊંચી આ મૂર્તિ બેસાલ્ટ પથ્થરમાંથી બનાવેલી છે અને મજબૂત પાયા પર ટકી હોવાનું માનવામાં આવે છે. ખોદકામમાં લગભગ દોઢ ફૂટ સુધી જવા છતાં પાયાની સ્પષ્ટ માહિતી મળી નથી.

વધુ વાંચો : 72 મોટા શહેરોના વૈશ્વિક ક્લાઈમેટ રિસ્ક રેન્કિંગમાં અમદાવાદ સૌથી વધુ જોખમી, જુઓ ચોંકાવનારો રિપોર્ટ

ASIની ટીમ હવે ગ્રાઉન્ડ પેનિટ્રેટિંગ રડાર અને ૩ડી લેઝર સ્કેનિંગ જેવી એડવાન્સ ટેકનોલોજીનો ઉપયોગ કરીને મૂર્તિની ઊંડાઈ, પાયાની રચના અને તેની ઉંમર ચેક કરશે. તેઓ જોશે કે આ મૂર્તિ કયા ઐતિહાસિક કાળની છે, તેની આસપાસ કોઈ પુરાતત્ત્વીય અવશેષ છે કે નહીં અને તેને સુરક્ષિત રીતે ખસેડી શકાય કે નહીં? જો મૂર્તિ ખૂબ જૂની નીકળે તો તેને વારસા તરીકે સાચવવાના ઓપ્શન પણ વિચારવામાં આવી શકે છે. જેમાં ASIની મંજૂરી અને માર્ગદર્શન વગર મૂર્તિને હલાવવામાં આવશે નહીં.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ