ઓટો / આ દિવસે આવી રહી છે ટાટાની સૌથી સસ્તી કાર, કિંમત જાણીને ખરીદવા દોડશો, 4 સ્ટાર સેફ્ટી

ભારતીય માર્કેટમાં સસ્તી હેચબેક કારની માંગ સતત મજબૂત બની રહી છે. હવે, ટાટા મોટર્સ તેની સૌથી સસ્તી કાર ટિયાગોને નવા અવતારમાં લોન્ચ કરવા જઈ રહી છે. કંપનીએ નવી ટિયાગો ફેસલિફ્ટની લોન્ચ તારીખ કન્ફર્મ કરી છે. આ કાર 28 મેના રોજ રજૂ કરવામાં આવશે. આ વખતે કારમાં માત્ર નાના ફેરફારો જ નહીં પરંતુ ડિઝાઇન, સુવિધાઓ અને ટેકનોલોજીમાં પણ મોટા અપડેટ્સ મળશે.

નવી ટિયાગોમાં આગળના ભાગમાં પાતળી ગ્રિલ હોવાની શક્યતા છે. નવા LED હેડલેમ્પ્સ અને વધુ શાર્પ DRL સિગ્નેચર કારને આધુનિક લુક આપશે. ફ્રન્ટ બમ્પરને પણ નવી ડિઝાઇન મળવાની શક્યતા છે અને ફોગ લેમ્પ્સ નીચે તરફ શિફ્ટ થઈ શકે છે. જ્યારે કારનો એકંદર બોડી શેપ એ જ રહેશે, ત્યારે નવા 15-ઇંચના મલ્ટી-સ્પોક એલોય વ્હીલ્સ તેની સાઇડ પ્રોફાઇલને એક નવો લુક આપશે.

આ ટિયાગોનું ડેશબોર્ડ લેઆઉટ બદલવામાં આવશે અને સેન્ટર કન્સોલ ગ્લોસ બ્લેક ફિનિશ સાથે આવી શકે છે. આ કારમાં વાયરલેસ એન્ડ્રોઇડ ઓટો અને એપલ કારપ્લે સપોર્ટ સાથે 10.25-ઇંચની મોટી ટચસ્ક્રીન ઇન્ફોટેનમેન્ટ સિસ્ટમ આવી શકે છે. જેમાં હાલના મોડેલના બેઝિક ડિસ્પ્લેને બદલે, 7-ઇંચનું સંપૂર્ણ ડિજિટલ ઇન્સ્ટ્રુમેન્ટ ક્લસ્ટર પણ આપી શકાય છે.

• અનેક ફીચર્સ

નવી ટિયાગોમાં એમ્બિયન્ટ લાઇટિંગ, સુધારેલ ઓડિયો સિસ્ટમ, નવી સીટ ફેબ્રિક, ફ્રન્ટ સેન્ટર આર્મરેસ્ટ અને રીઅર હેડરેસ્ટ જેવા ફીચર હોવાની શક્યતા છે. તો એન્જીન હાલના 1.2-લિટર નેચરલી એસ્પિરેટેડ પેટ્રોલ એન્જિન દ્વારા સંચાલિત રહેશે. આ એન્જિન 86 પીએસ પાવર અને 113 એનએમ ટોર્ક પેદા કરશે.

તો ટ્રાન્સમિશનમાં કાર 5-સ્પીડ મેન્યુઅલ અને AMT ગિયરબોક્સના વિકલ્પ સાથે ઓફર કરવામાં આવશે. ફેક્ટરી-ફિટેડ CNG વેરિઅન્ટ પણ ઉપલબ્ધ હશે. જેમાં Tiago ભારતમાં AMT ગિયરબોક્સનો ઓપ્શન આપતી અમુક CNG કારોમાંની એક છે.

વધુ વાંચો : ટેસ્ટિંગ વખતે સ્પોટ થઇ KTM નું આ શાનદાર બાઈક, જાણો ક્યારે થશે લોન્ચ

• કિંમત કેટલી હશે?

4-સ્ટાર સેફટીરેટિંગ સાથે આ કાર મલ્ટીપલ એરબેગ્સ EBD સાથે ABS, રીઅર પાર્કિંગ સેન્સર, કેમેરા અને મજબૂત બોડી સ્ટ્રક્ચર જેવી ઘણી જરૂરી સેફટી ફીચર આપશે. જેમાં વર્તમાન મોડેલની કિંમત 4.60 લાખ રૂપિયા છે. એવી અપેક્ષા છે કે કંપની તેને સમાન કિંમત સાથે લોન્ચ કરશે. પણ અમુક વધારો પણ આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ