ગુજરાત / સુરતના ધામદોડ ગામની કેનાલમાં ડૂબી યુવાનનું મોત, પંડવાઈ સુગર નજીકથી બસચાલકનો મૃતદેહ મળ્યો

સુરતના ધામદોડ ગામની સીમામાંથી પસાર થતી કેનાલ પાસે બનેલી એક દુઃખદ ઘટનામાં યુવાનનો જીવ ગયો છે. કેનાલની પાળીએ બેઠેલો યુવાન અચાનક ઊભો થયો ત્યારે તેને ચક્કર આવતાં તે સીધો પાણીમાં પડી ગયો હોવાની માહિતી સામે આવી છે. કેનાલમાં પાણીનો ધસમસતો પ્રવાહ હોવાથી યુવાનને બહાર નીકળવાની તક મળી ન હતી અને તે પાણીના પ્રવાહમાં ખેંચાઈ ગયો હતો. ઘટનાને પગલે સ્થાનિક સ્તરે શોધખોળ શરૂ કરવામાં આવી હતી. અંતે પંડવાઈ સુગર નજીક કેનાલમાંથી યુવાનનો મૃતદેહ મળી આવ્યો હતો.

મળતી માહિતી મુજબ, કેનાલમાં ડૂબી જવાથી મૃત્યુ પામેલા યુવાનનું નામ રજનીશ ચોદવડિયા હોવાનું જાણવા મળ્યું છે. રજનીશ પી.પી. સવાણી યુનિવર્સિટીમાં બસચાલક તરીકે ફરજ બજાવતો હતો. રોજિંદા જીવનમાં બસ ચલાવીને પોતાની ફરજ નિભાવતા યુવાનના અચાનક મૃત્યુના સમાચારથી દુઃખદ પરિસ્થિતિ સર્જાઈ છે.

જનીશ કેનાલની પાળીએ બેઠો

પ્રાથમિક માહિતી અનુસાર, રજનીશ કેનાલની પાળીએ બેઠો હતો. આ દરમિયાન તે ઊભો થવા જતાં તેને અચાનક ચક્કર આવ્યાં હતાં. ચક્કર આવવાને કારણે તેનું સંતુલન બગડતાં તે કેનાલમાં પડી ગયો હતો. કેનાલમાં પાણીનો પ્રવાહ ધસમસતો હોવાથી તે પાણીમાં તણાઈ ગયો હતો. ઘટનાની જાણ થતાં સંબંધિત તંત્રને જાણ કરવામાં આવી હતી અને યુવાનની શોધખોળ માટે પ્રયાસો હાથ ધરવામાં આવ્યા હતા.

ફાયર વિભાગની ટીમો સ્થળ પર પહોંચી

આ ઘટનાની જાણ થતાં કામરેજ, પાનોલી સહિતની ફાયર વિભાગની ટીમો સ્થળ પર પહોંચી હતી. ફાયર વિભાગની ટીમોએ કેનાલમાં શોધખોળ હાથ ધરી હતી. દરમિયાન પંડવાઈ સુગર નજીક કેનાલમાંથી રજનીશનો મૃતદેહ મળી આવ્યો હતો. ત્યારબાદ ફાયર વિભાગની ટીમ દ્વારા મૃતદેહને પાણીમાંથી બહાર કાઢવામાં આવ્યો હતો.

રજનીશ કેનાલમાં ડૂબી જતાં ગુમ થયો હોવાની જાણ

બીજી તરફ, રજનીશ કેનાલમાં ડૂબી જતાં ગુમ થયો હોવાની જાણ થતાં કોસંબા પોલીસ દ્વારા ગુમ થવા અંગેની જાણવાજોગ ફરિયાદ નોંધવામાં આવી હતી. ઘટનાને પગલે હાંસોટ પોલીસ દ્વારા પણ આગળની કાર્યવાહી શરૂ કરવામાં આવી છે. મૃતદેહ મળી આવ્યા બાદ પોલીસ દ્વારા જરૂરી કાર્યવાહી હાથ ધરવામાં આવી રહી છે.

આ પણ વાંચો : PGVCLના નિવૃત્ત કર્મચારી સહીત 3 લોકોની હ*ત્યા, ગુજરાતના આ શહેરોમાં હડકંપ

ધામદોડ ગામની સીમામાં આવેલી કેનાલમાં બનેલી આ દુઃખદ ઘટનામાં પી.પી. સવાણી યુનિવર્સિટીમાં બસ ચલાવતા રજનીશ ચોદવડિયાનું મોત થયું છે. કેનાલની પાળીએ બેઠા બાદ ઊભા થતી વખતે ચક્કર આવતાં તે પાણીમાં પડી ગયો હોવાની પ્રાથમિક માહિતી છે. જોકે, સમગ્ર ઘટનાને લઈને પોલીસ દ્વારા આગળની કાર્યવાહી કરવામાં આવી રહી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ