દિલ્હી / VIDEO : સૌરવ દાસ અને આશુતોષ રાંકાની ફરી અટકાયત, દિલ્હીમાં સવાર-સવારમાં CJPનું વિરોધ પ્રદર્શન

દિલ્હીના જંતર-મંતરને 'નો પ્રદર્શન સ્થળ' જાહેર કર્યાંના બીજા જ દિવસે કોકરોચ જનતા પાર્ટીએ ત્યાં જ પ્રદર્શન કર્યું હતું. મંગળવારે સવારે પણ કોકરોચ જનતા પાર્ટીએ જંતર-મંતર પર વિરોધ પ્રદર્શન કર્યું હતું જે પછી દિલ્હી પોલીસે કોકરોચ જનતા પાર્ટીના સૌરવ દાસ અને આશુતોષ રાંકાની અટકાયત કરી હતી. સૌરવ દાસ કેટલાક મિત્રો સાથે જંતર મંતર આવ્યા હતા. સૌરભ દાસની સાથે, CJP ના સહ-સંયોજક આશુતોષ રંકાને પણ પોલીસે અટકાયતમાં લીધા હતા.

Fortress Jantar Mantar has been breached https://t.co/hUlskpMhEc

— Ashutosh Ranka (@AshutoshRanka) October 13, 2026

જેડીયુ ઓફિસમાં ઘુસ્યાં, ગેટ કૂદી ગયા

એવું કહેવામાં આવી રહ્યું છે કે સૌરવ દાસ અને આશુતોષ રંકા સહિત કેટલાક સીજેપી સભ્યો જંતર-મંતર નજીક જેડીયુ ઓફિસના પરિસરમાં ઘૂસી ગયા અને જંતર-મંતરની એક બાજુ ગેટ કૂદી ગયા. દિલ્હી પોલીસે તે બધાની અટકાયત કરી. દિલ્હી પોલીસ આ મામલે એફઆઈઆર પણ દાખલ કરી શકે છે.

આશુતોષ રાંકાએ વીડિયો શેર કર્યો

આશુતોષ રાંકાએ સોશિયલ મીડિયા પ્લેટફોર્મ X પર એક વીડિયો શેર કર્યો છે, જેમાં 'ભારત માતા કી જય' ના નારા લગાવવામાં આવી રહ્યા છે અને જ્ઞાનેશ કુમારના રાજીનામાની માંગ પણ કરવામાં આવી રહી છે.

વધુ વાંચો : ચોર ATM લૂંટવા આવ્યાં અને તરત લાગી ભયાનક આગ, પૈસા નહીં 'જીવ' લઈને ભાગ્યાં, સુરતમાં હેરાનીભર્યો બનાવ

જંતર-મંતર 'નો પ્રદર્શન સ્થળ' જાહેર

ઉલ્લેખનીય છે કે ગત રોજ કેન્દ્ર સરકારે દિલ્હીના ઐતિહાસિક જંતર-મંતર 'નો પ્રદર્શન સ્થળ' જાહેર કર્યું છે એટલે હવેથી આ સ્થળે વિરોધ પ્રદર્શન કરવું ગુનો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ