ક્રાઈમ / ચોર ATM લૂંટવા આવ્યાં અને તરત લાગી ભયાનક આગ, પૈસા નહીં 'જીવ' લઈને ભાગ્યાં, સુરતમાં હેરાનીભર્યો બનાવ

સુરતના કામરેજમાં SBI બેંકના ATMમાં તસ્કરો ચોરી કરવા આવ્યા તે દરમિયાન આગ લાગી હતી અને આગ લાગતાં ચોરો ભાગી નીકળ્યા હતા. આ આખી ઘટના સીસીટીવીમાં કેદ થઈ હતી. ઘટનાને પગલે પોલીસ અને કામરેજ ફાયર ટીમ સ્થળ પર દોડી ગઈ હતી અને પાણીનો મારો ચલાવીને આગને બુઝાવી દેવામાં આવી હતી.

કેટલી રોકડને નુકશાન થયું?

આગમાં એટીએમમાં રહેલી રોકડ બળી હોવાની શક્યતા છે. બેન્ક મેનેજરે એવું કહ્યુ કે ATM ચેક કર્યા બાદ જ ખબર પડશે કે કેટલી રોકડને નુકશાન થયું છે.

રાજસ્થાનમાં બેંક મેનેજરે ચોરોને અંદર જ પૂરી દીધા

રાજસ્થાનમાં એટીએમ તોડવાના ઈરાદે બે ચોરો અંદર ઘૂસ્યા હતા. આ દરમિયાન મહિલા બ્રાન્ચ મેનેજરે ભારે સતર્કતા અને બહાદુરી દાખવીને બહારથી શટર બંધ કરી દીધું હતું. ચોરો અંદર જ ફસાઈ જતાં તેમને ભાગવાનો કોઈ મોકો ન મળ્યો અને આખરે પોલીસ બોલાવીને તેમને ઝડપી લેવામાં આવ્યા હતા. આ ઘટનાનો વીડિયો સોશિયલ મીડિયા પ્લેટફોર્મ જેમ કે ફેસબુક પર ખૂબ વાયરલ થયો હતો.

વધુ વાંચો : 34 વર્ષની વયે આ એક્ટરની દુનિયામાંથી અલવિદા, આઘાતમાં સરી પડ્યાં ચાહકો

એટીએમ તોડતા જ સાઇરન વાગતા ચોર ભાગ્યાં

બીજી એક ઘટનામાં, રાત્રે 2 વાગ્યે ચોરો એટીએમ તોડવા માટે શટર પાડીને અંદર ઘૂસ્યા હતા. પરંતુ તેઓ જેવા મશીન સાથે છેડછાડ કરવા ગયા, કે તરત જ સિક્યોરિટી સિસ્ટમ એક્ટિવ થઈ ગઈ અને પોલીસને એલર્ટ મળી ગયું. પોલીસ તુરંત ઘટનાસ્થળે પહોંચી જતાં ચોરોએ બધું પડતું મૂકીને ત્યાંથી ભાગવું પડ્યું હતું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ