આરોપ / 16 વર્ષની હતી ત્યારે તેણે મને ડ્રગ આપ્યું અને પછી આચર્યું દુષ્કર્મ, જાણીતા ખેલાડી પર આરોપ લાગતા હાહાકાર

• જાણીતા ફુટબોલર ડિએગો મેરાડોના પર લાગ્યો રેપનો આરોપ
• મહિલાએ કહ્યું- 40 વર્ષ પહેલા મારી સાથે આચર્યું હતું દુષ્કર્મ
• ડ્રગ્સ આપવાનો પણ કર્યો આક્ષેપ

મેરાડોનાનું ગત વર્ષે 60 વર્ષની ઉંમરે નિધન થયું છે. મહિલાનો દાવો છે કે, 20 વર્ષ પહેલા જ્યારે તેણી સગીર વયની હતી ત્યારે મારાડોનાએ તેની સાથે બળાત્કાર કર્યો હતો. 

મહિલાનું નામ માવિસ અલ્વારેઝ છે અને તે ક્યૂબાની રહેવાસી છે, જો કે, હાલ તેણી અમેરિકાના મિયામીમાં રહે છે અને તેણે સોમવારે મીડિયા સામે આર્જેટીનાના ડિએગો મેરાડોના પર રેપ, હિંસા, દૂર્વ્યવહાર જેવા સંગીન આક્ષેપો કર્યા હતા. 

Cuban Mavys Alvarez accused late soccer star Diego Maradona of abusing and raping her when she was a teenager https://t.co/P7rOFQVfGP pic.twitter.com/tShjnZWXvr

— Reuters (@Reuters) November 23, 2021

16 વર્ષની વયે થયો બળાત્કાર 

અલ્વારેઝનું કહેવું છે કે, તે 16 વર્ષની ઉંમરે મારાડોનાને મળી હતી. તે સમયે મારાડોના 40 વર્ષના હતા અને ક્યૂબામાં રહેતા હતા. ત્યારે તેમનું નશીલી દવાઓની લતનો ઈલાજ ચાલી રહ્યો હતો. મહિલાએ આક્ષેપ કર્યો છે કે, આ દરમિયાન મારાડોનાએ તેણીની સાથે રૅપ કર્યો હતો.

ડ્રગ્સ આપવાનો પણ લગાવ્યો આરોપ 

અલ્વારેઝે જણાવ્યું મારાડોનાની સાથે તેનો સંબંધ 4-5 વર્ષ સુધી ચાલ્યો. પરંતુ આ દરમિયાન મારાડોનાએ તેની સાથે ખૂબ જ ખરાબ વ્યવહાર કર્યો. અલ્વારેઝએ કહ્યું- હું તેને પ્રેમ કરતી હતી પરંતુ તેને નફરત પણ કરતી હતી, મેં આત્મહત્યા વિશે પણ વિચાર્યું હતું. તો તેણીએ ડ્રગ્સ આપવાનો પણ આરોપ લગાવ્યો હતો.

કાર્ડિયાક અરેસ્ટને કારણ થયું નિધન 

આર્જેન્ટિનાના મીડિયા અનુસાર 60 વર્ષીય મેરાડોનાનું નિધન કાર્ડિયાક અરેસ્ટને કારણે થયું છે. મહત્વનું છે કે મેરાડોના લાંબા સમયથી બીમાર હતા અને આજે તેમણે અંતિમ શ્વાસ લીધા હતાં. મેરાડોનાની વિદાયથી ફૂટબોલ જગતમાં અને ખાસ કરીને તેમના ચાહકોમાં આઘાતની લાગણી ફેલાઈ ગઈ હતી.

મેરાડોનાની કારકિર્દી

પોતાના વ્યાવસાયિક ક્લબ કારકીર્દિ દરમિયાન, મેરાડોનાએ આર્જેન્ટિનાના જુનિયર, બોકા જુનિયર્સ, બાર્સિલોના, સેવિલા, નેવેલના ઓલ્ડ બોય અને નેપોલી તરફથી રમતી વખતે કરાર ફીમાં વિશ્વ રેકોર્ડ બનાવ્યો હતો. 

તેની આંતરરાષ્ટ્રીય કારકિર્દીમાં, આર્જેન્ટિના તરફથી રમતા, તેણે 91 કેપ્સ મેળવી અને 34 ગોલ કર્યા. તેણે 1986 ના વર્લ્ડ કપ સહિત ચાર ફિફા વર્લ્ડ કપ ટૂર્નામેન્ટ્સમાં રમી હતી, જેમાં તેમણે આર્જેન્ટિનાની કેપ્ટનશીપ મળી હતી અને ટૂર્નામેન્ટનો શ્રેષ્ઠ ખેલાડી તરીકે ગોલ્ડન બોલનો એવોર્ડ મેળવ્યો હતો અને ફાઈનલમાં વેસ્ટ જર્મની પર જીત મેળવી હતી. આ જ ટુર્નામેન્ટના ક્વાર્ટર-ફાઇનલ રાઉન્ડમાં, તેણે ઇંગ્લેન્ડ સામે 2-1થી જીત મેળવીને 2 ગોલ કર્યા હતા, જે બે જુદા જુદા કારણોસર ફૂટબોલ ઇતિહાસમાં નોંધાયેલા છે. પ્રથમ ગોલ પેનલ્ટી મુક્ત હેન્ડબોલ હતો જેને "હેન્ડ ઑફ ગોડ" તરીકે ઓળખવામાં આવે છે, જ્યારે બીજો ગોલ 6 મીટરની દૂરીથી અને ઇંગ્લેન્ડના છ ખેલાડીઓની વચ્ચેથી ગોલ ફટકાર્યો હતો, જેને સામાન્ય રીતે "ગોલ ઓફ ધ સેન્ચ્યુરી" તરીકે ઓળખાય છે.