બોલીવુડ અભિનેતા રણવીર સિંહને ગુરુવારે મુંબઈમાં જોવા મળ્યો હતો. જેમાં તેનો એક વીડિયો સોશિયલ મીડિયા પર વાયરલ થઈ રહ્યો છે. આ દરમ્યાન અભિનેતા સિગ્નલ પર કારમાંથી ઉતરતો જોવા મળ્યો હતો.
હકીકતમાં એક બાઇક સવાર રણવીરની કારને બાજુમાંથી ટક્કર મારી હતી. ત્યારબાદ અભિનેતાએ કારથી નીચે ઉતરીને જોયું હતું કે પોતાની ગાડીને કેટલું નુકસાન થયું હતું. બાદમાં તે એક બિલ્ડિંગની બહાર પણ જોવામાં આવ્યો હતો.
ઉલ્લેખનીય છે કે આ સમયે રણવીર સિંહ સમાચારોમાં છે. હાલમાં ઓનલાઈન રિપોર્ટ અનુસાર રોહિત શેટ્ટીની ફિલ્મ અંગૂર રણવીર સિંહના હાથમાં આવી છે. આ ફિલ્મ અભિનેતા સંજીવ કુમારની 1982 માં રિલીઝ થયેલી ફિલ્મની રીમેક છે.