5 ફોટો ગેલેરી

Forecast / મેઘરાજા ફરી મોજમાં, કાલે ગુજરાતથી દિલ્હી સુધી ભારે વરસાદ, હવામાન ખાતાની મોટી આગાહી

Last Updated: 11:17 PM, 13 September 2026

FOLLOW ON

શેર કરો

14 સપ્ટેમ્બરે ગુજરાતમાં ભારેથી અતિભારે વરસાદની મુખ્ય ચેતવણી આપવામાં આવી છે. આ સાથે જ દિલ્હી-એનસીઆરથી રાજસ્થાન, મધ્યપ્રદેશ સહિત 15થી વધુ રાજ્યોમાં ભારે વરસાદ અને વાવાઝોડાની સંભાવના છે.

1/5

1. 14 સપ્ટેમ્બરની આગાહી

આવતી કાલે એટલે કે 14 સપ્ટેમ્બરે ગુજરાતમાં ભારેથી અતિભારે વરસાદની સંભાવના છે. ભારતીય હવામાન વિભાગે બુલેટિન બહાર પાડીને ચેતવણી આપી છે કે રાજ્યના અનેક વિસ્તારોમાં મૂસળધાર વરસાદ પડી શકે છે. આ સાથે જ વીજળીના કડાકા અને ગાજવીજની પણ આશંકા વ્યક્ત કરવામાં આવી છે. આ દિવસે ગુજરાત હવામાની અસરનું મુખ્ય કેન્દ્ર બનશે.

આ તસવીર શેર કરો

2/5

2. 15થી વધુ રાજ્યોમાં આગાહી

જેમાં માત્ર ગુજરાત જ નહીં પણ દેશના 15થી વધુ રાજ્યો અને કેન્દ્રશાસિત પ્રદેશોમાં પણ ભારે વરસાદનું એલર્ટ છે. જેમાં ઉત્તર ભારતમાં દિલ્હી-એનસીઆર, હરિયાણા, ચંડીગઢ, પંજાબ, ઉત્તરાખંડ અને પૂર્વી રાજસ્થાનમાં ભારે વરસાદ પડી શકે છે. તો મધ્ય ભારતમાં પશ્ચિમ મધ્યપ્રદેશ અને મધ્ય મહારાષ્ટ્રના અમુક વિસ્તારોમાં પણ મૂસળધાર વરસાદ અને જળભરાવની સ્થિતિ સર્જાઈ શકે છે.

આ તસવીર શેર કરો

3/5

3. પૂર્વ અને ઉત્તર-પૂર્વ ભારતની આગાહી

પૂર્વ અને ઉત્તર-પૂર્વ ભારતમાં ઓડિશા, અરુણાચલ પ્રદેશ, આસામ અને મેઘાલયમાં ભારે વરસાદની આગાહી છે. જેમાં દક્ષિણ ભારતમાં તમિલનાડુ, પોડુચેરી, કારૈકલ તથા કેરળ અને માહેના વિવિધ વિસ્તારોમાં પણ ભારે વરસાદ જોવા મળી શકે છે.

આ તસવીર શેર કરો

4/5

4. સાઉથની આગાહી

દક્ષિણ દ્વીપકલ્પીય વિસ્તારોમાં આંધ્રપ્રદેશ, દક્ષિણ આંતરિક કર્ણાટક અને તમિલનાડુમાં ગાજવીજ સાથે 40થી 50 કિમી પ્રતિ કલાકની ઝડપે પવનો ફૂંકાઈ શકે છે. અને બીજા અનેક રાજ્યોમાં 30થી 40 કિમી પ્રતિ કલાકની ઝડપે તોફાની પવનો અને વીજળીના કડાકાની સંભાવના છે. જેમાં બિહાર, ઝારખંડ, પશ્ચિમ બંગાળ, સિક્કિમ, તેલંગાણા અને બીજા વિસ્તારો સામેલ છે.

આ તસવીર શેર કરો

5/5

5. સમુદ્રની સ્થિતિ પણ ચિંતાજનક

આ દરમિયાન સમુદ્રની સ્થિતિ પણ ચિંતાજનક રહેશે. ગુજરાત અને ઉત્તર મહારાષ્ટ્રના કિનારા પર 40થી 50 કિમી પ્રતિ કલાકની ઝડપે તોફાની પવનો ફૂંકાશે, જેના ઝપાટા 60કિમી સુધી પહોંચી શકે છે. આથી માછીમારોને સમુદ્રમાં ન જવાની સલાહ આપવામાં આવી છે.

આ તસવીર શેર કરો

સંકળાયેલા મુદ્દાઓ

heavy rain rainfal IMD weather