અલવિદા / આ દિગ્ગજ ક્રિકેટરે અચાનક કર્યું સંન્યાસનું એલાન! સમગ્ર દુનિયા ચોંકી ઉઠી, ટ્વીટમાં લખી ભાવુક વાત

• નેધરલેન્ડના બેટ્સમેન બેન કૂપરેનું ક્રિકેટને અલવિદા
• ટ્વીટર પર મુકી પોસ્ટ
• કહ્યું-મહાન યાદો કાયમ રહેશે સાથે

કૂપરે ટ્વિટર પર પોસ્ટ કર્યું, 'આજે, હું આંતરરાષ્ટ્રીય ક્રિકેટમાંથી નિવૃત્તિ જાહેર કરું છું. છેલ્લા 8 વર્ષથી નેધરલેન્ડ્સનું પ્રતિનિધિત્વ કરવું એ એક સંપૂર્ણ સન્માન અને વિશેષાધિકાર છે.

નિવૃત્તિ લેવાનું નક્કી કર્યું

કૂપરે વધુમાં કહ્યું કે, "તે સમયગાળો અદ્ભુત ઊંચાઈઓ, ખાસ ક્ષણો અને કઠિન ઉતાર-ચઢાવથી ભરેલું રહ્યો છે," હું તેના વિશે કંઈપણ બદલીશ નહીં અને મહાન યાદો સાથે મારા સમયને પાછો નીહાળીશ. ન્યુ સાઉથ વેલ્સમાં જન્મેલા, કૂપરે ઓગસ્ટ 2013માં કેનેડા સામેની ODIમાં નેધરલેન્ડ્સ માટે આંતરરાષ્ટ્રીય ક્રિકેટમાં પ્રવેશ કર્યો હતો.

Thanks to everyone who’s supported me throughout my journey with @KNCBcricket it’s been unreal but it’s time for me to move on in to the next stage of my life. pic.twitter.com/aBS8FPHmwC

— Ben N Cooper (@bencooper_32) January 29, 2022

71 આંતરરાષ્ટ્રીય મેચ રમ્યા

ઉલ્લેખનીય છે કે, તેણે નેધરલેન્ડ્સ માટે 71 સફેદ બોલની આંતરરાષ્ટ્રીય મેચ રમી, જેમાં તેણે 1426 રન બનાવ્યા. તે T20 ક્રિકેટમાં નેધરલેન્ડના સૌથી વધુ રન બનાવનાર ખેલાડી તરીકે નિવૃત્ત થઈ રહ્યો છે, તેમણે 28.15ની સરેરાશથી 1239 રન બનાવ્યા છે. 29 વર્ષીય ખેલાડીએ દરેક વસ્તુ માટે નેધરલેન્ડ ક્રિકેટ બોર્ડ, તેના સાથી ખેલાડીઓ, કોચ અને માતા-પિતાનો આભાર માન્યો હતો.

ગયા વર્ષે છેલ્લી મેચ રમાઈ હતી

યુએઈમાં 2021 T20 વર્લ્ડ કપમાં તેની છેલ્લી મેચ રમનાર કૂપરનું માનવું છે કે આવનારી પ્રતિભા ડચ ક્રિકેટમાં ઘણું બધું લાવશે. "મને કોઈ શંકા નથી કે વર્તમાન ટીમ અને આવનારી પ્રતિભા ડચ ક્રિકેટ માટે મહાન વસ્તુઓ હાંસલ કરવાનું ચાલુ રાખશે,"