રાજકારણ / TVK પાર્ટીના ધારાસભ્ય દળના નેતા ચૂંટાયા જોસેફ વિજય, તમિલનાડુમાં સરકાર બનાવવાનો કર્યો દાવો

Tamilnadu Politics: તમિલનાડુની રાજનીતિમાં નવી દિશા આપતો મોટો વિકાસ સામે આવ્યો છે. જ્યાં જોસેફ વિજયની આગેવાની હેઠળની TVK સરકાર બનાવવાની દિશામાં આગળ વધી રહી છે. વિધાનસભા ચૂંટણીમાં સૌથી મોટી પાર્ટી તરીકે ઉભરી આવેલી TVK એ હવે સત્તા પર દાવો કર્યો છે. જેના કારણે રાજ્યમાં સત્તા પરિવર્તન લગભગ નિશ્ચિત માનવામાં આવી રહ્યું છે. રાજ્યપાલને પત્ર લખીને સરકાર રચવાના પ્રયાસોને ગતિ આપવામાં આવી છે. જે તમિલનાડુની રાજનીતિમાં એક નવા અધ્યાયની શરૂઆત સૂચવે છે.

તમિલનાડુમાં સત્તા પરિવર્તન

તમિલનાડુની રાજનીતિમાં મોટો ફેરફાર સામે આવ્યો છે. જ્યાં જોસેફ વિજયની આગેવાની હેઠળની TVK હવે સત્તા સ્થાપિત કરવાની દિશામાં આગળ વધી રહી છે. તાજેતરમાં યોજાયેલી વિધાનસભા ચૂંટણીમાં TVKએ 234 માંથી 108 બેઠકો જીતીને સૌથી મોટી પાર્ટી તરીકે પોતાનું સ્થાન મજબૂત બનાવ્યું છે. આ પરિણામ બાદ પાર્ટીના ધારાસભ્યોની બેઠકમાં વિજયને એકમતથી ધારાસભ્ય દળના નેતા તરીકે ચૂંટવામાં આવ્યા છે. આ નિર્ણય પાર્ટી માટે મહત્વપૂર્ણ ગણાઈ રહ્યો છે અને હવે રાજ્યમાં નવી સરકાર રચવાના પ્રયાસો તેજ બન્યા છે.

રાજ્યપાલને પત્ર લખીને સરકાર બનાવવાનો દાવો

ધારાસભ્ય દળના નેતા બન્યા બાદ વિજયે તરત જ રાજ્યપાલ રાજેન્દ્ર આર્લેકરને પત્ર લખીને સરકાર બનાવવાનો સત્તાવાર દાવો રજૂ કર્યો છે. પત્રમાં તેમણે જણાવ્યું છે કે તેમની પાર્ટી પાસે પૂરતું સમર્થન છે અને તેઓ ટૂંક સમયમાં બહુમતી સાબિત કરશે. વિજયે રાજ્યપાલને શપથ ગ્રહણ સમારોહ માટે આમંત્રણ આપવાની પણ વિનંતી કરી છે. ખાસ કરીને તેમણે બે અઠવાડિયામાં વિધાનસભામાં બહુમતી સાબિત કરવાની ખાતરી આપી છે. જે રાજ્યમાં રાજકીય પ્રક્રિયાને ઝડપી બનાવે છે. આ પગલાએ રાજ્યમાં નવી સરકારની રચના માટેનો માર્ગ વધુ સ્પષ્ટ કર્યો છે.

આ પણ વાંચો: 8મા પગાર પંચને લઈને મોટું અપડેટ, 283 ટકા વધી શકે કર્મચારીઓનો પગાર

કોંગ્રેસના સમર્થનથી સરકારની શક્યતા

રાજકીય સમીકરણોને ધ્યાનમાં રાખતા એવું માનવામાં આવી રહ્યું છે કે વિજયની સરકાર કોંગ્રેસ (Indian National Congress)ના સમર્થનથી બની શકે છે. TVK પાસે 108 બેઠકો છે. જે બહુમતીથી થોડી ઓછી છે. તેથી ગઠબંધન રાજનીતિ અહીં મહત્વપૂર્ણ ભૂમિકા ભજવશે. કોંગ્રેસના સંભવિત સમર્થન સાથે વિજય સરળતાથી બહુમતીનો આંકડો પાર કરી શકે છે. રાજકીય નિરીક્ષકો માનતા છે કે આ ગઠબંધન તમિલનાડુની રાજનીતિમાં નવા યુગની શરૂઆત કરશે. હવે સૌની નજર રાજ્યપાલના નિર્ણય અને આવનારા દિવસોમાં થનારા શપથ ગ્રહણ સમારોહ પર ટકી છે. જે રાજ્યની નવી દિશા નક્કી કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ