નેશનલ / મુસાફરો એરપોર્ટ પર રઝડી પડ્યા, ઇન્ડિગોએ 70 થી વધુ ફ્લાઇટ્સ અચાનક રદ કરી, જાણો કારણ

Indigo: દેશની સૌથી મોટી એરલાઇન ઇન્ડિગો એક મોટી ઓપરેશનલ કટોકટીનો સામનો કરી રહી છે. બુધવારે એરલાઇન્સે 70 થી વધુ ફ્લાઇટ્સ રદ કરી, જેના કારણે મુંબઈ અને બેંગલુરુ સહિત અનેક મુખ્ય એરપોર્ટ પર મુસાફરોને પરેશાની વેઠવી પડી છે.

દેશની સૌથી મોટી એરલાઇન્સ ઇન્ડિગોએ બુધવારે 70 થી વધુ ફ્લાઇટ્સ રદ કરી. આ ફ્લાઇટ્સમાં બેંગલુરુ અને મુંબઈ એરપોર્ટથી ઉપડતી ફ્લાઇટ્સનો સમાવેશ થાય છે. સૂત્રોએ જણાવ્યું હતું કે મુખ્યત્વે ચાલક દળની અછતને કારણે વિમાનો ઉડાન રદ કરવી પડી હતી. કંપનીને તેની ફ્લાઇટ્સ ચલાવવા માટે ક્રૂ શોધવામાં મુશ્કેલી પડી રહી હોવાથી વિવિધ એરપોર્ટ પર ઇન્ડિગોની ઘણી ફ્લાઇટ્સ મોડી પડી હતી. ઇન્ડિગોએ પણ ઉડાન રદ અને વિલંબનો સ્વીકાર કર્યો છે.

ઇન્ડિગોના પ્રવક્તાએ જણાવ્યું ટેકનિકલ ખામીઓને કારણે પરેશાની

એરલાઇનના પ્રવક્તાએ એક નિવેદનમાં જણાવ્યું હતું કે, "છેલ્લા કેટલાક દિવસોમાં ટેકનિકલ સમસ્યાઓ, એરપોર્ટ પર ભીડ અને ઓપરેશનલ આવશ્યકતાઓ સહિતના વિવિધ કારણોસર ઘણી ફ્લાઇટ્સ અનિવાર્ય વિલંબ અને રદ થઈ છે." એક ન્યૂઝ એજન્સીએ એક સૂત્રને ટાંકીને જણાવ્યું હતું કે એફડીટીએલ માપદંડોના બીજા તબક્કાના અમલીકરણ પછી ઈન્ડિગો ચાલક દળની ભારે કમીનો સામનો કરી રહી છે, જેના કારણે એરપોર્ટ પર ફ્લાઇટ રદ કરવામાં આવી છે અને નોંધપાત્ર કામગીરીમાં વિલંબ થયો છે. સૂત્રએ જણાવ્યું હતું કે, "મંગળવારે એરલાઇન માટે પરિસ્થિતિ વધુ ખરાબ થઈ હતી અને બુધવારે દેશભરના વિવિધ એરપોર્ટ પરથી ઘણી ફ્લાઇટ્સ રદ કરવામાં આવી હતી.

આ પણ વાંચોઃ ભારતીય સેનાનો સૌથી મોટુ ઓપરેશન, 12 નક્સલીઓને ઠાર, ઓટોમેટિક હથિયારો પણ મળી આવ્યા

એરલાઇન મુસાફરોની અસુવિધા બદલ દિલગીર

પરિચાલન સંબંધી મહત્વપુર્ણ કામગીરીમાં વિક્ષેપોનો સામનો કરીને દેશની સૌથી મોટી એરલાઇન ઈન્ડિગોએ બુધવારે જણાવ્યું હતું કે તેણે કામગીરીને સામાન્ય બનાવવા માટે આગામી 48 કલાક માટે તેના સમયપત્રકમાં આયોજિત ફેરફારો કર્યા છે. સૂત્રોના જણાવ્યા અનુસાર ગોઠવણના ભાગ રૂપે એરલાઇન આગામી 48 કલાક માટે ફ્લાઇટ્સ રદ કરશે અથવા ફરીથી શેડ્યૂલ કરશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ