જાણવા જેવું / Indian Air Force બની ત્રીજા નંબરની તાકાતવર વાયુસેના, પાકિસ્તાન ટોપ 10માં પણ નહીં

Indian Air Force: ચીન પાસે ભારત કરતાં વધુ ફાઇટર એરક્રાફ્ટ છે. પરંતુ ભારતીય વાયુસેના વધુ આધુનિક છે અને તેના મિશનને પાર પાડવા માટે વધુ સારી રીતે તૈયાર છે. ભારતની તાકાત આધુનિક તાલીમ, ઝડપી પ્રતિભાવ અને સચોટ હુમલામાં રહેલી છે. ભારતીય વાયુસેનાએ ઓપરેશન સિંદૂરમાં આ ક્ષમતા સાબિત કરી છે.

WDMMA આવી રીતે તૈયાર કરે છે રેન્કિંગ

દર વર્ષે WDMMA વિશ્વભરના વાયુસેનાની તાકાતનું મૂલ્યાંકન કરે છે. આ રેન્કિંગ ફક્ત વિમાનોની સંખ્યા પર આધારિત નથી. લડાઇ શક્તિ, સંરક્ષણ ક્ષમતા, લોજિસ્ટિક સપોર્ટ, તાલીમ અને તકનીકી પ્રગતિને પણ ધ્યાનમાં લેવામાં આવે છે. વાયુસેના અને TVR નું રેન્કિંગ 1-USA 242.92-રશિયા 114.23-ભારત 69.44-ચીન 63.85-જાપાન 58.1 નોટ: TVR ને ટ્રુ વેલ્યુ રેટિંગ કહેવામાં આવે છે. WDMMA વાયુસેનાને રેન્ક આપવા માટે આ સ્કેલનો ઉપયોગ કરે છે.

Air Defence સિસ્ટમમાં ચીનથી આગળ છે ભારત

ચીન તેના વાયુસેનાને અપગ્રેડ કરવા અને અદ્યતન ટેકનોલોજી વિકસાવવા માટે અબજો ડોલર ખર્ચ કરી રહ્યું છે. બીજી બાજુ, ભારત ફક્ત મશીનો પર જ નહીં પરંતુ પાઇલટ તાલીમ અને લડાઇ તૈયારી પર પણ ધ્યાન કેન્દ્રિત કરે છે. ભારતના વાયુસેનાની તાકાત તેની શ્રેષ્ઠ તાલીમ, ઝડપી પ્રતિભાવ ક્ષમતાઓ અને ચોકસાઇથી પ્રહાર કરવાની ક્ષમતાને કારણે છે.

ભારતની 3 સેનાઓ - આર્મી, નેવી અને એરફોર્સ વચ્ચે સારો તાલમેળ

ભારતna 3 સૈન્ય બળ- સેના, નૌકાદળ અને વાયુસેના - વચ્ચે ઉત્તમ તાલમેળ છે. યુદ્ધના સમયમાં આ ભાગીદારી મહત્વપૂર્ણ છે. રશિયા પાસે વધુ વિમાનો છે છતાં તે યુક્રેન પર હવાઈ પ્રભુત્વ સ્થાપિત કરવામાં નિષ્ફળ ગયું. બીજી તરફ ઇઝરાયલે તેના શ્રેષ્ઠ આયોજન અને ટેકનોલોજીને કારણે 2025 માં માત્ર ચાર દિવસમાં ઇરાની હવાઈ ક્ષેત્રમાં પ્રભુત્વ મેળવ્યું.

ઓપરેશન સિંદૂરમાં ભારતની તૈયારી સ્પષ્ટ હતી. તાજેતરના ઓપરેશન સિંદૂરમાં ભારતની તૈયારીની ઝલક જોવા મળી હતી. જેમાં ભારતીય વાયુસેનાએ પાકિસ્તાન વાયુસેનાને ભારે નુકસાન પહોંચાડ્યું હતું.

વધુ વાંચો: બિહાર વિધાનસભા ચૂંટણી 2025 : કોંગ્રેસે જાહેર કરી 48 ઉમેદવારોની પ્રથમ યાદી, અહીં જુઓ લિસ્ટ

ઓપરેશન સિંદૂર દરમિયાન પાકિસ્તાનના 12 વિમામોનો નાશ

આર્મીના ડિરેક્ટર જનરલ ઓફ મિલિટરી ઓપરેશન્સ (DGMO) લેફ્ટનન્ટ જનરલ રાજીવ ઘાઈએ કહ્યું હતું કે ઓપરેશન સિંદૂર દરમિયાન LoC પર 100 થી વધુ પાકિસ્તાની સૈનિકો માર્યા ગયા હતા અને ઓછામાં ઓછા 12 વિમાનોનો નાશ કરવામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ