નેશનલ / કર્ણાટકના મુખ્યમંત્રી સિદ્ધારમૈયાએ રાજીનામું આપ્યું, ડીકે શિવકુમાર બનશે CM

Karnataka CM Siddaramaiah Updates: કર્ણાટકના મુખ્યમંત્રી સિદ્ધારમૈયાએ રાજીનામું આપ્યું છે. તેમણે મંત્રીઓ સાથે બ્રેકફાસ્ટ મિટિંગ દરમિયાન આ જાહેરાત કરી હતી.

કર્ણાટકના મુખ્યમંત્રી રહેલા સિદ્ધારમૈયાએ ગુરુવારે પોતાના પદ પરથી રાજીનામું આપ્યું છે. તેમણે કહ્યું, "મેં મુખ્યમંત્રી પદેથી મારું રાજીનામું લોકભવનમાં સુપરત કર્યું છે. રાજ્યપાલ હાલમાં અહીં હાજર નથી. મને કહેવામાં આવ્યું છે કે તેઓ આજે રાત્રે પાછા ફરશે." તેમણે કહ્યુ કે રાજીનામું પત્ર રાજ્યપાલના સચિવને સોંપવામાં આવ્યો છે.

સિદ્ધારમૈયાએ કહ્યું, "મેં તમને બધાને પહેલા ઘણી વાર કહ્યું છે કે જ્યારે પાર્ટી હાઈકમાન્ડ મારું રાજીનામું માંગશે ત્યારે હું રાજીનામું આપીશ. બે દિવસ પહેલા હાઈકમાન્ડે મને રાજીનામું આપવા કહ્યું હતું. મેં તેમને કહ્યું હતું કે હું આજે રાજીનામું આપીશ. તેથી જ મેં આજે મારું રાજીનામું સુપરત કર્યું છે."

સિદ્ધારમૈયાએ કહ્યું, "મને વિશ્વાસ છે કે રાજ્યપાલ પાછા ફર્યા પછી મારું રાજીનામું સ્વીકારશે. કાયદા મુજબ રાજ્યપાલે મુખ્યમંત્રીનું રાજીનામું સ્વીકારવું પડે છે અને નવા મુખ્યમંત્રી માટે માર્ગ મોકળો કરવાની તેમની જવાબદારી છે." સરકારની બહુમતી વિશે બોલતા તેમણે કહ્યું, "અમારી પાર્ટી પાસે 136 ધારાસભ્યો છે અને અમારી પાસે બે નિર્દલિય ધારાસભ્યોનું પણ સમર્થન છે. અમારી પાસે સંપૂર્ણ બહુમતી છે."

શિવકુમાર દરરોજ સિદ્ધારમૈયાને બાજુ પર રાખવાનો પ્રયાસ કરી રહ્યા હતા: બોમ્મઈ

પૂર્વ મુખ્યમંત્રી બસવરાજ બોમ્મઈએ જણાવ્યું છે કે સિદ્ધારમૈયા સાડા સાત, લગભગ આઠ વર્ષ સેવા આપ્યા બાદ મુખ્યમંત્રી પદેથી રાજીનામું આપી રહ્યા છે. સરકારની રચનાના પહેલા દિવસથી જ સિદ્ધારમૈયા અને ડીકે શિવકુમાર વચ્ચે કાર્યકાળની વહેંચણીની તારીખ નક્કી થઈ ગઈ હતી.

આ પણ વાંચોઃ નેશનલ / NEET પેપર લીક મામલે રાજનાથ સિંહના ઘરે હાઈ લેવલ બેઠક, અનેક મોટા અધિકારીઓ હાજર

ડીકે શિવકુમાર શરૂઆતથી જ સ્પષ્ટ હતા કે સરકારનો અડધો કાર્યકાળ પૂર્ણ થયા પછી તેઓ મુખ્યમંત્રી પદ સંભાળશે. તેમણે કહ્યું કે શિવકુમાર દરરોજ અને દરેક તક પર સિદ્ધારમૈયાને કિનારા પર કરવાનો પ્રયાસ કરી રહ્યા હતા. સિદ્ધારમૈયાને ક્યારેય શાંતિથી સરકાર ચલાવવાની તક મળી ન હતી. નાણાકીય ગેરવહીવટ અને મતભેદોને કારણે શાસનમાં શૂન્યાવકાશ સર્જાયો, વહીવટની સંપૂર્ણ નિષ્ફળતા. વિકાસ ક્યાંય દેખાતો નહોતો. સરકારનું દેવું ચાર ગણું થઈ ગયું છે. કોંગ્રેસના કુશાસન અને શિવકુમાર અને સિદ્ધારમૈયા વચ્ચેના ઝઘડાએ કર્ણાટકને લગભગ 20 વર્ષ પાછળ ધકેલી દીધું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ