Jobs / એન્જિનિયરો માટે સરકારી કંપનીમાં નોકરીની તક, 610 જગ્યા પર ભરતી, ફટાફટ કરો અરજી

Engineering Latest Jobs 2025 : ભારત ઇલેક્ટ્રોનિક્સ લિમિટેડ (બીઇએલ) એ ટ્રેઇની એન્જિનિયર પોસ્ટ માટે અરજીઓ મંગાવી છે. તમે પણ નોકરી કરવા ઇચ્છતા હોય તો સત્તાવાર વેબસાઇટ bel-india.in પર ઓનલાઈન અરજી કરી શકો છો.

BEL Trainee Engineer Recruitment 2025 Apply Online: ભારત ઇલેક્ટ્રોનિક્સ લિમિટેડ ટ્રેઇની એન્જિનિયરના પદ ભરવા જઇ રહ્યું છે. રસ ધરાવતા અને લાયક ઉમેદવારો બીઇએલ ઇન્ડિયાની વેબસાઇટ bel-india.in પર જઇને ઓનલાઈન અરજી કરી શકે છે. 610 ખાલી જગ્યાઓ ભરવામાં આવશે. અરજી કરવાની છેલ્લી તારીખ 7 ઓક્ટોબર 2025 છે.

શૈક્ષણિક લાયકાત

માન્યતા પ્રાપ્ત યુનિવર્સિટી/સંસ્થા/કોલેજમાંથી સંબંધિત વિષયોમાં એન્જિનિયરિંગમાં બી.ઈ./બી.એસસી./બી.એસસી. (4-વર્ષનો અભ્યાસક્રમ) ડિગ્રી હોવી જોઇએ. ઉમેદવારોએ ઓનલાઇન અરજી કરતા પહેલા સત્તાવાર સૂચનામાં ભરતી માટે લાયકાત અને શૈક્ષણિક લાયકાત તપાસવી.

વય મર્યાદા

સામાન્ય અને ઇડબલ્યૂએસ કેટેગરીના ઉમેદવારો માટે મહત્તમ વય મર્યાદા 28 વર્ષ છે. એસસી અને એસટી કેટેગરીના ઉમેદવારોને વધુ 5 વર્ષની છૂટ આપવામાં આવશે, અને ઓબીસી કેટેગરીના ઉમેદવારોને વય મર્યાદામાં 3 વર્ષની છૂટ આપવામાં આવશે. ઉમેદવારો માટે વય મર્યાદા 1 સપ્ટેમ્બર, 2025ના આધારે ગણવામાં આવશે.

પગાર

પ્રથમ વર્ષ - 30,000 રૂપિયા

બીજું વર્ષ - 35,000 રૂપિયા

ત્રીજું વર્ષ - 40,000 રૂપિયા

અરજી ફી

જનરલ, ઓબીસી અને EWS કેટેગરીના ઉમેદવારોએ રૂપિયા 177 અરજી ફી ચૂકવવી પડશે. એસસી, એસટી અને પીડબલ્યુડી કેટેગરીના ઉમેદવારો માટે અરજી નિશુલ્ક છે.

આ પણ વાંચોઃ iPhone 17 મોડેલમાં ગડબડ! એક પછી એક આવી રહી છે સમસ્યા, એપલે આપ્યો આ જવાબ

ભરતી માટે અરજી કેવી રીતે કરવી

ઉમેદવારોએ સત્તાવાર વેબસાઇટ bel-india.in ની મુલાકાત લેવી.

હોમ પેજ પર એપ્લિકેશન લિંક પર ક્લિક કરો.

તમારુ રજિસ્ટ્રેશન કરો

હવે લોગ ઇન કરી અને અરજી ફોર્મ ભરો.

અરજી ફોર્મ તપાસો અને તમારી ફી સબમિટ કરો.

અરજી ફોર્મ ડાઉનલોડ કરો અને ભવિષ્યના સંદર્ભ માટે પ્રિન્ટઆઉટ તમારી પાસે સાચવી રાખો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ