OMG / દુનિયાનો એવો એક જીવ જેનું લોહી છે વાદળી રંગનું, પ્રતિ લિટર લોહીની કિંમત ચોંકાવનારી

• દુનિયામાં છે વિશિષ્ટ પ્રકારના કરચલા
• લાલની જગ્યાએ વાદળી લોહી ધરાવે છે 
• 1 લિટર લોહીની કિંમત 11 લાખ

વાદળી રંગનું લોહી ધરાવનાર જીવ હોર્સ શૂ છે. જે એક દુર્લભ પ્રજાતિનો કરચલો છે. અને જાણકાર બતાવે છે કે હોર્સ શૂ કરચલો દુનિયાનો સૌથી જુના જીવોમાંથી એક છે. અને તે પૃથ્વી પર ઓછામાં ઓછા 45 કરોડ વર્ષથી છે.

અટલાંટીક, હિંદ અને પ્રશાંત મહાસાગરમાં જોવા મળતા કરચલા વસંત ઋતુથી મેં - જૂન દરમિયાન જોવા મળે છે. અને સૌથી ખાસ વાત તે આ પુનમના સમયે સમુદ્રના કિનારા સુધી આવી જાય છે.

હવે વાત કરીએ કે કરચલાની કિંમતની તો તેમનું વાદળી લોહી આંતરરાષ્ટ્રીય બજારમાં 11 લાખ રૂપિયા સુધીમાં વેચાય છે. આને દુનિયાનો સૌથી મોંઘો તરલ પદાર્થ પણ કહેવામાં આવે છે.

ખાસ કરીને દવા કંપની તેમના લોહીનો ઉપયોગ દવા બનાવવામાં કરે છે. જણવવામાં આવી રહ્યું છે કે હોર્સ શૂ કરચલાના લોહીનો ઉપયોગ 1970થી વૈજ્ઞાનિકો કર છે.

અટલાંટીક સ્ટેટ્સ મરીન ફિશરીઝ કમિશન અનુસાર દર વર્ષે પાંચ કરોડ અટલાંટીક હોર્સ શૂ કરચલાનો ઉપયોગ મેડીકલોના કામોમાં થાય છે.

જાણકારો જણાવે છે કે હોર્સ શૂ કરચલાના વાદળી લોહીમાં તાંબુ પણ હોય છે. સાથે જ ખાસ રસાયણ પણ હોય છે. જે કોઈ બેક્ટેરિયાની આસપાસ જમા થાય છે અને તેમની ઓળખાણ થાય છે.

હોર્સ શૂ કરચલાનું લોહી તેમના હ્રદય પાસે કાણું પાડી કાઢવામાં આવે છે. એક કરચલામાંથી અંદાજીત 30% લોહી નીકળે છે. અને ત્યારબાદ પાછો તેને સમુદ્રમાં છોડી દેવામાં આવે છે.

જ્યારે એક રીપોર્ટ અનુસાર દસથી ત્રીસ ટકા કરચલા લોહી કાઢવાની પ્રક્રિયા સમયે જ મરી જાય છે. ત્યારબાદ માદા કરચલાને પ્રજનનના સમયે સામનો કરવો પડે છે.

હાલમાં દુનિયામાં આ સમયે કરચલાની ચાર પ્રજાતિ છે. ઘણી પ્રજાતિ શિકાર અને પ્રદુષણના કારણે જોખમમાં છે.

દુનિયામાં આ પ્રજાતિના કરચલાને સતત જોખમ રહે છે કારણ કે તેમના લોહીના કારણે તેમનુ બ્લેક માર્કેટિંગ થાય છે.