છેલ્લા કેટલાક સમયથી કેન્દ્ર સરકાર એક સ્કિમ ચલાવી રહી છે. જેમાં તમે સસ્તુ સોનુ ખરીદી શકો છો. આ સોનાને તમે પહેરી તો નથી શકતા પરંતુ ઇનવેસ્ટ કરીને નફો કમાઇ શકો છો. સરકાર 8 જૂનથી આ યોજના ફરી શરૂ કરવા જઇ રહી છે.
8 જૂનથી સસ્તુ થશે સોનુ
ડિજીટલ પેમેન્ટ જરૂરી
શું છે આ યોજના
આ કેન્દ્ર સરકારની સૉવરેન બોન્ડ યોજના છે. આ યોજના હેઠળ 4,677 રૂપિયા પ્રતિગ્રામની કિંમત પર તમે સોનુ ખરીદી શકો છો. હંમેશાની જેમ આ વખતે પણ સરકારે ઓનલાઇન આવેદન તેમજ ડિજીટલ પેમેન્ટ કરવાવાળા યુઝર્સને 50 રૂપિયા પ્રતિ ગ્રામની છૂટ આપવાનો નિર્ણય કર્યો છે. આવામાં ખરીદનારને સોનાની કિંમત 4,627 રૂપિયા ચૂકવવી પડશે.
આ સોનાને બોન્ડ તરીકે ખરીદી શકાય છે. એટલે કે આ સોનાને તમે જ્વેલરી તરીકે નહી પહેરી શકો. આ માત્ર એક ઇનવેસ્ટમેન્ટ છે. આ વખતે ઇનવેસ્ટ કરવાની તારીખ 8 થી 12 જૂન છે.
શું છે પદ્ધતિ
તમારે બેન્કનો સંપર્ક કરીને સોનાની ઓનલાઇન ખરીદી કરવી પડશે. આ સ્કીમ હેઠળ સોનાનુ વેચાણ બેન્ક સિવાય પોસ્ટ ઓફિસ, NSE, BSE, અને સ્ટોક હોલ્ડિંગ કોર્પોરેશન ઓફ ઇન્ડિયા લિમિટેડના માધ્યમથી થશે.
તમને જણાવી દઇએ કે, સોનાની કિંમત RBI નક્કી કરે છે. આ સ્કીમની કેટલીક શરતો પણ છે. જેમકે, ઓછામાં ઓછુ એક ગ્રામ સોનુ ખરીદવુ પડશે. સૉવરેન ગોલ્ડ બોન્ડ સ્કીમ હેઠળ એક નાણાકીય વર્ષમાં મેક્સિમમ 500 ગ્રામ સોનાના બોન્ડ ખરીદી શકાશે.