Gold Price Today / તહેવાર પહેલા-પહેલા જ સોનું-ચાંદી ₹1.50 લાખને પાર, કિંમત જાણીને આંખો પહોળી થઇ જશે

21 ઓગસ્ટના રોજ અઠવાડિયાના છેલ્લા ટ્રેડિંગ દિવસે સોના અને ચાંદીના ભાવમાં જોરદાર વધારો જોવા મળ્યો છે. આંતરરાષ્ટ્રીય બજારમાં કિંમતી ધાતુઓના ભાવમાં તેજી જોવા મળતાં તેની અસર સ્થાનિક બજાર પર પણ જોવા મળી છે. વૈશ્વિક બજારમાં સોના અને ચાંદીના ભાવ આસમાને પહોંચ્યા છે, જ્યારે ભારતમાં બુલિયન માર્કેટ અને મલ્ટી કોમોડિટી એક્સચેન્જ (MCX) પર પણ બંને ધાતુઓના ભાવમાં નોંધપાત્ર વધારો નોંધાયો છે.

સોના અને ચાંદી બંનેના ભાવમાં વધારો નોંધાયો

આંતરરાષ્ટ્રીય બજારમાં કોમેક્સ પર સોના અને ચાંદી બંનેના ભાવમાં વધારો નોંધાયો છે. કોમેક્સના ડેટા મુજબ, આ સમાચાર લખાય છે ત્યાં સુધી સોનાના ભાવમાં 0.33 ટકાનો વધારો થયો છે અને સોનું પ્રતિ ઔંસ $4586.40 પર ટ્રેડ થઈ રહ્યું છે. બીજી તરફ ચાંદીના ભાવમાં 1.07 ટકાનો વધારો નોંધાયો છે અને ચાંદી પ્રતિ ઔંસ $68.835 પર ટ્રેડ થઈ રહી છે. વૈશ્વિક બજારમાં આવેલી આ તેજીની અસર સ્થાનિક બજારમાં પણ સ્પષ્ટ રીતે જોવા મળી રહી છે.

સોના અને ચાંદીની ચમક ફરી જોવા મળી

સ્થાનિક બુલિયન બજારમાં પણ સોના અને ચાંદીની ચમક ફરી જોવા મળી છે. બજાર ખુલતાની સાથે જ બંને કિંમતી ધાતુઓના ભાવમાં ઉછાળો નોંધાયો છે. MCX પર સોનાનો ભાવ વધીને લગભગ ₹1.59 લાખ પ્રતિ 10 ગ્રામની આસપાસ ટ્રેડ થઈ રહ્યો છે. બીજી તરફ ભારતમાં ચાંદીના ભાવ પણ વધી ગયા છે અને તે લગભગ ₹2.45 લાખ પ્રતિ કિલોગ્રામની આસપાસ ટ્રેડ થઈ રહી છે. આ વધારાને કારણે રોકાણકારો તેમજ ઘરેણાં ખરીદવાની તૈયારી કરી રહેલા લોકોની નજર હવે બજાર પર ટકેલી છે.

સોના અને ચાંદીમાં સારી તેજી જોવા મળી

સ્થાનિક વાયદા બજાર એટલે કે મલ્ટી કોમોડિટી એક્સચેન્જ (MCX) પર પણ સોના અને ચાંદીમાં સારી તેજી જોવા મળી છે. આ સમાચાર લખાય છે ત્યારે MCX પર સોનાના ભાવમાં ₹292નો વધારો નોંધાયો હતો અને તે ₹1,59,601 પ્રતિ 10 ગ્રામ પર ટ્રેડ થઈ રહ્યો હતો. જ્યારે ચાંદીના ભાવમાં ₹1,251નો વધારો થયો હતો અને સવારે લગભગ 9 વાગ્યાની આસપાસ તેનો ભાવ ₹2,44,494 પ્રતિ કિલોગ્રામ નોંધાયો હતો.

આ પણ વાંચો : ના હોય! ₹2,000થી વધારે લેણદેણ પર લાગશે એક્સ્ટ્રા ચાર્જ? જુઓ ક્યારથી

ઘરેણાં ખરીદવાનું આયોજન કરી રહેલા ગ્રાહકો માટે પણ આજે ભાવમાં વધારો નોંધાયો છે. ભારતમાં 24 કેરેટ સોનાનો ભાવ પ્રતિ 10 ગ્રામ લગભગ ₹1,60,030ની આસપાસ ટ્રેડ થઈ રહ્યો છે. જ્યારે 22 કેરેટ સોનાનો ભાવ પ્રતિ 10 ગ્રામ ₹1,46,694ની આસપાસ છે. બીજી તરફ 18 કેરેટ સોનાનો ભાવ પ્રતિ 10 ગ્રામ લગભગ ₹1,20,890ની આસપાસ નોંધાયો છે. ભારતમાં ચાંદીનો ભાવ પ્રતિ કિલોગ્રામ લગભગ ₹2,45,670ની આસપાસ ટ્રેડ થઈ રહ્યો છે. આંતરરાષ્ટ્રીય બજારમાં આવેલી તેજીનો સીધો પ્રભાવ સ્થાનિક બજાર પર જોવા મળી રહ્યો છે. સોના અને ચાંદીના ભાવમાં થયેલા વધારાને કારણે રોકાણકારો તેમજ ઘરેણાં ખરીદવા ઈચ્છતા લોકો માટે બજારના ભાવ પર સતત નજર રાખવી જરૂરી બની છે. ખાસ કરીને ખરીદી કરતા પહેલા આજના તાજા ભાવની ચકાસણી કરવી વધુ યોગ્ય રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ