હેલ્થ / હીમોગ્લોબિનની ખામીથી હાર્ટને નુકશાન, આ લેવલથી ઓછું થયું તો જીવ પણ જઈ શકે

શરીરમાં હિમોગ્લોબિનનું યોગ્ય લેવલ હોવું જરૂરી છે. આ ઉણપ વિવિધ સ્વાસ્થ્ય સમસ્યાઓ તરફ દોરી શકે છે. હિમોગ્લોબિન આખા શરીરમાં ઓક્સિજનના પરિવહનમાં મહત્વપૂર્ણ ભૂમિકા ભજવે છે. ઉણપ શરીરના અવયવો સુધી પૂરતા પ્રમાણમાં ઓક્સિજન પહોંચતા અટકાવી શકે છે. હિમોગ્લોબિનની અસરો પર હવે એક નવો અભ્યાસ હાથ ધરવામાં આવ્યો છે, જે સૂચવે છે કે ઉણપ હૃદય સંબંધિત રોગો તરફ લઇ જઇ શકે છે.

એક સંશોધનમાં દર્શાવવામાં આવ્યું છે કે હિમોગ્લોબિનનું ઓછું સ્તર હાર્ટ એટેકનું જોખમ વધારી શકે છે. અભ્યાસમાં જણાવાયું છે કે સામાન્ય વ્યક્તિઓ કરતાં હાર્ટ ફેલ્યોર દર્દીઓમાં એનિમિયા વધુ હોય છે. હિમોગ્લોબિન ઓછું થવાથી હૃદય શરીરમાં ઓક્સિજન પહોંચાડવા માટે વધુ મહેનત કરે છે, હૃદયની ધમનીઓ નબળી પડે છે, હૃદયના કાર્યને અસર કરે છે અને હૃદયરોગના હુમલાનું જોખમ વધે છે.

ઓછું હિમોગ્લોબિન હૃદય પર શું અસર કરે છે?

આ અભ્યાસમાં 10,000 લોકોનો સમાવેશ થતો હતો. આ વ્યક્તિઓમાં ઓછું હિમોગ્લોબિન અને હાર્ટની સમસ્યાઓ હતી. અભ્યાસમાં જાણવા મળ્યું છે કે હિમોગ્લોબિન ઓછું થવાથી હાર્ટ પર પ્રેશર આવે છે. જેના કારણે દર્દીને શ્વાસ લેવામાં તકલીફ અને થાક લાગવા જેવી સમસ્યાઓ થાય છે. આ સમસ્યાઓ લાંબા સમય સુધી ચાલુ રહે છે, તો તે હાર્ટ ફેલ્યોરનું રિસ્ક વધારી શકે છે.

મોતનું જોખમ

યુનિવર્સિટી ઓફ મિનેસોટા મેડિકલ સ્કૂલના હાર્ટ ફેલ્યોર પ્રોગ્રામના પ્રોફેસરના જણાવ્યા મુજબ જો કોઈ દર્દીને હાર્ટ ફેલ્યોર સાથે એનિમિયા હોય તો તેમના મૃત્યુનું જોખમ વધી જાય છે. હૃદયના દર્દીઓમાં એનિમિયા મૃત્યુનું જોખમ 30 ટકા અને હોસ્પિટલમાં દાખલ થવાનું જોખમ 40 ટકા વધારે છે. જો કે અભ્યાસમાં એ પણ જણાવાયું છે કે આ જોખમ દરેક દર્દીમાં હોતું નથી. સ્વસ્થ હિમોગ્લોબિન સ્તર જાળવવું હજુ પણ મહત્વપૂર્ણ છે.

આ પણ વાંચોઃ 8મા પગાર પંચ બાદ તમારી ટેક હોમ સેલેરી કેટલી હશે? જાણો ખાતામાં કેટલા વધીને આવશે પૈસા

હિમોગ્લોબિનનું સ્તર કેટલું હોવું જોઈએ?

મહિલાઓમાં હિમોગ્લોબિન 12 ગ્રામ/ડીએલથી ઓછું ન હોવું જોઈએ.

પુરુષોમાં તે 13 ગ્રામ/ડીએલથી ઓછું ન હોવું જોઈએ.

નિવારણ માટે શું કરવું?

તમારા હિમોગ્લોબિનનું પરીક્ષણ કરાવો. આયર્ન, ફોલિક એસિડ અને વિટામિન બી12 ની ઉણપને દૂર કરો. તમારા ડૉક્ટર દ્વારા નિર્દેશિત આયર્ન સપ્લિમેન્ટ્સ લો. તમારા આહારનું ધ્યાન રાખો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ