Tech News / ₹8999માં આવ્યો સૌથી તગડો ફોન, પડવા-તૂટવાનો ડર ખતમ, નેટવર્ક વગર પણ કોલ

Itel A100 Pro Launched in India: આઇટેલનો સૌથી મજબૂત મિલિટ્રી ગ્રેડ ફોન આઇટેલ A100 Pro ભારતમાં લોન્ચ કરવામાં આવ્યો છે. રૂપિયા 10,000 થી ઓછી કિંમતનો ફોન 5000mAh બેટરી, 90Hz ડિસ્પ્લે અને 100 દિવસની મફત સ્ક્રીન રિપ્લેસમેન્ટ જેવા શાનદાર ફીચર્સથી લેસ છે.

આઇટેલએ ફરી એકવાર આઇટેલ A100 Pro સ્માર્ટફોન લોન્ચ કર્યો છે, જે બજેટ સેગમેન્ટમાં એક શક્તિશાળી સ્માર્ટફોન છે. આ ફોન સામાન્ય રીતે ઓછી કિંમતે વધુ મોંઘા સ્માર્ટફોનમાં જોવા મળતી સુવિધાઓ આપે છે. ફોનની સૌથી મહત્વપૂર્ણ વિશેષતા તેની મિલિટ્રી-ગ્રેડ મજબૂતી છે.

આ ફોનને 43°C સુધીના ઊંચા તાપમાનમાં લગાદાર 72 કલાક સુધી ટેસ્ટ કરવામાં આવ્યો હતો. આનો અર્થ એ છે કે ફોન તીવ્ર ગરમી, સૂર્યપ્રકાશ અથવા લાંબા સમય સુધી ઉપયોગ દરમિયાન પણ સરળતાથી કાર્ય કરવાનું ચાલુ રાખશે, જેનાથી ઓવરહિટીંગનું જોખમ ઘટશે.

ફોનનું પરીક્ષણ અત્યંત ઠંડા હવામાનમાં - 35°C સુધી પણ કરવામાં આવ્યુ હતું. વધુમાં, આ સ્માર્ટફોનનું પરીક્ષણ 1.2 મીટરની ઊંચાઈથી ઘણી વખત નીચે પાડીને કરવામાં આવ્યું છે. ફોનનું બેક પેનલ બિલકુલ OnePlus 15R જેવું જ ડિઝાઇન કરવામાં આવ્યું છે. ફોનમાં ડાયનેમિક બાર, અલ્ટ્રા લિંક અને આઇઆર બ્લાસ્ટર જેવા ફીચર્સ પણ શામેલ છે.

આ પણ વાંચોઃ કામની વાત / હીટવેવમાં એસી જેવી ઠંડક આપશે આ સાધનો, આજે જ લઈ લેજો

આઇટેલ A100 Pro કિંમત અને ક્યાંથી ખરીદવું

આ ફોન ફક્ત એક જ વેરિઅન્ટમાં લોન્ચ કરવામાં આવ્યો છે. તેનું એકમાત્ર 3GB + 64GB સ્ટોરેજ મોડેલ રૂપિયા 8,999 ની કિંમતે ઉપલબ્ધ છે. તે કોમેટ ઓરેન્જ, ક્લાઉડ વ્હાઇટ અને બ્લેક રંગોમાં આવે છે અને હવે રિટેલ સ્ટોર્સમાં ઉપલબ્ધ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ