મનોરંજન / ધ ગ્રેટ ઈન્ડિયન કપિલ શો’ સીઝન 5નું એલાન, જાણો ક્યારે અને ક્યાં જોઈ શકશો

કોમેડી ફેંસ માટે એક મોટી ખુશીની ખબર આવી છે. કપિલ શર્મા પોતાના ફેમસ ટોક શો ‘ધ ગ્રેટ ઈન્ડિયન કપિલ શો’ની પાંચમી સીઝન સાથે ફરી એકવાર પ્રેક્ષકોને હસાવવા માટે તૈયાર છે. કપિલે પોતાના ઈન્સ્ટાગ્રામ એકાઉન્ટ પર એક મજેદાર પ્રોમો વીડિયો શેર કરીને આ જાહેરાત કરી છે.

નવી સીઝન 26 સપ્ટેમ્બરથી નેટફ્લિક્સ પર ઉપલબ્ધ થશે. દરેક નવો એપિસોડ દર શનિવારે રાત્રે 8 વાગ્યે રિલીઝ થશે. આ વખતે શોને માત્ર કોમેડી શો તરીકે નહીં પરંતુ સાચા અર્થમાં ‘કોમેડી કા ત્યોહાર' તરીકે પ્રમોટ કરવામાં આવી રહ્યો છે. આ પ્રોમોમાં સમગ્ર કાસ્ટ મ્યુઝિકલ સ્ટાઈલમાં શોની વાપસીનું સેલીબ્રેટ કરતી જોવા મળે છે.

કપિલ શર્મા સાથે સુનીલ ગ્રોવર, કૃષ્ણા અભિષેક, કીકુ શારદા, અર્ચના પૂરન સિંહ અને નવજોત સિંહ સિદ્ધુ પણ પાછા આવી રહ્યા છે. જેમાં નેટફ્લિક્સે પણ પોતાના સોશિયલ મીડિયા પર એક મજાની પોસ્ટ મૂકી છે, જેમાં લખ્યું છે – “ઢોલ-નગારા વાગશે, કેમ કે ‘કોમેડી કા ત્યોહાર' હવે નેટફ્લિક્સ પર સજવા જઈ રહ્યો છે!”

કપિલ શર્મા નવા સીઝનને લઈને ખૂબ એકસાઈટેડ દેખાય છે. તેને કહ્યું કે, “દરેક સીઝનમાં અમને લાગે છે કે અમે ઘણી મસ્તી કરી લીધી છે પણ પછી ખ્યાલ આવે છે કે હજુ કામ બાકી છે! અને ક્યાંક ક્યાંક મને લાગે છે કે આ જ વાત અમને આગળ વધારે છે.”

વધુ વાંચો : એન્ટિલિયામાં બાપ્પાની ભક્તિમાં ઝૂમ્યાં નીતા અંબાણી, 'ડાંસ'નો ઈન્સાઈડ વીડિયો થયો વાયરલ

ઉલ્લખનીય છે કે, શોની ચોથી સીઝન આ વર્ષે 14 માર્ચે પૂરી થઇ હતી. માત્ર થોડા મહિનામાં જ કપિલે ફેન્સને આ સરપ્રાઈઝ આપી દીધો છે. પાછલી સીઝનની જેમ આ વખતે પણ મોટી સેલિબ્રિટીઓના ગેસ્ટ એપિયરન્સ, રસપ્રદ વાતચીત અને કોમેડી સ્કેચનો બરકરાર ચાલુ રહેશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ