ઓટો ટિપ્સ / CNG કાર ચલાવતી વખતે આટલી બાબતો અવશ્ય ધ્યાનમાં રાખજો, નહીંતર! જયપુર બ્લાસ્ટની ઘટનાએ ચેતવી દીધા!

Auto Tips : રાજસ્થાનની રાજધાની જયપુરમાં એક મોટો રોડ અકસ્માત થયા બાદ 12 લોકોના મોત થયા છે. વસત્વમાં જયપુર-અજમેર હાઇવે પર એક CNG ટ્રક LPG ટેન્કર સાથે અથડાઈ હતી. આ પછી એક પછી એક અનેક વાહનો એકબીજા સાથે અથડાવા લાગ્યા. આ માર્ગ અકસ્માત સવારે લગભગ 5 વાગ્યે પેટ્રોલ પંપ પાસે થયો હતો. આ ભયાનક અકસ્માતમાં અત્યાર સુધીમાં 12 લોકોના મોતના સમાચાર સામે આવ્યા છે અને 35થી વધુ લોકો હોસ્પિટલમાં દાખલ છે.

CNG વાહનો ચલાવતી વખતે આ વાતનું ધ્યાન રાખો

CNG વાહનો કે ટ્રક ચલાવતી વખતે ખાસ કાળજી લેવી જરૂરી છે. તમારી એક નાની ભૂલ કોઈ મોટી દુર્ઘટનાને આમંત્રણ આપી શકે છે, જેમાં જીવનું જોખમ હોઈ શકે છે. જયપુર-અજમેર હાઇવે પર ડ્રાઇવરે ખોટા માર્ગ પર યુ-ટર્ન લીધો અને અન્ય ટ્રક સાથે અથડાઈ પરિણામે બ્લાસ્ટ થયો. પરંતુ અન્ય ઘણા કારણો છે જેનું ધ્યાન ન રાખવામાં આવે તો ડ્રાઈવરની સાથે-સાથે મુસાફરને પણ સમસ્યા થઈ શકે છે.

વધુ વાંચો : દુનિયામાં મચ્યો હડકંપ! ગૂગલે 10 ટકા છટણીનું કર્યું એલાન, આ કર્મચારીઓની નોકરી જોખમમાં

• CNG વાહનોમાં સેફ્ટી ફીચર્સ હોવું જરૂરી છે. આવી કારમાં લીક ડિટેક્શન સિસ્ટમ અને પ્રેશર ચેકિંગ સિસ્ટમ હોવી જરૂરી છે. આ સાથે અકસ્માત અને ગેસ લીકેજનું જોખમ ઘટાડવા માટે વાહનમાં શટ-ઓફ વાલ્વ હોવો પણ ફરજિયાત છે.
• વાહનમાં આ તમામ સલામતી સુવિધાઓ યોગ્ય રીતે કામ કરી રહી છે તેની ખાતરી કરવાની પણ જરૂર છે. આ માટે વાહનમાં CNG કીટ, વાલ્વ અને સીલ બધુ જ બરાબર હોવું જોઈએ. જો આમાંથી કોઈપણ ઉપકરણ તૂટી જાય, તો તેને તાત્કાલિક રીપેર કરાવવું જોઈએ.
• CNG વાહનોમાં મુસાફરી કરતા ડ્રાઇવરો અને મુસાફરોએ પણ સલામતી માર્ગદર્શિકા વિશે જાગૃત રહેવું જોઈએ. આમાં કોઈપણ કટોકટીનો સામનો કેવી રીતે કરવો તે પણ સામેલ છે.
• તમે જ્યાં તમારી CNG કાર પાર્ક કરી રહ્યા છો તે ગેરેજમાં વેન્ટિલેશન હોવું જરૂરી છે. પાર્કિંગની સારી જગ્યાને કારણે CNGમાંથી નીકળતો ધુમાડો ગેરેજમાં અટકશે નહીં અને બહાર આવવા માટે યોગ્ય જગ્યા પણ મળશે.
• વાહનમાં CNG ભરતી વખતે એ વાતનું ધ્યાન રાખો કે ઇંધણ પ્રમાણિત CNG ફિલિંગ સ્ટેશન પરથી જ ભરવામાં આવે.
• તમારા માટે ઈમરજન્સી કોન્ટેક્ટ નંબર હોવો પણ જરૂરી છે. કોઈપણ અકસ્માત અથવા CNG સંબંધિત કોઈ સમસ્યાના કિસ્સામાં તમે ઈમરજન્સી નંબર પર સંપર્ક કરી શકો છો અને મદદ માટે પૂછી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ