ગજબ / આ છે માત્ર 50 હજારમાં ખરીદેલો જમીનનો ટુકડો, જે આજે ઓળખાય છે એક દેશના નામથી, જ્યાં પાસપોર્ટ વિના નો એન્ટ્રી

અમેરિકાના ઉટાહમાં એક નાનકડી જગ્યાને એક આર્ટિસ્ટે સંપ્રભુ રાષ્ટ્ર ઘોષીત કર્યુ છે. આ નાનકડા દેશનો એક અલગ ધ્વજ પણ છે. જ્યારે આપણે વિદેશમાં ફરવા જઈયે છીયે ત્યારે આપણે પાસપોર્ટ રજૂ કરવો પડે છે પરંતુ આપણે અમેરિકાના આ વિસ્તારમાં જવા ઈચ્છતા હોઈયે તો આ નાનકડા દેશનો પણ પાસપોર્ટ રજૂ કરવો પડે છે. કારણ કે આ દેશના માલીકે તેનો પાસપોર્ટ પણ બહાર પાડ્યો છે.

વર્ષ 2005માં જૈક લેન્ડબર્ગ નામના એક આર્ટિટેસ્ટે અમેરિકાની 2 એકર જમીન 610 ડોલરમાં ખરીદી હતી. આ જમીન રણ વિસ્તારમાં આવેલી છે. થોડા સમય બાદ તેને આ વિસ્તારને અલગ રિપબ્લીક દેશ જાહેર કરી દીધો હતો. જેનું નામ પોતાના નામ પરથી જ રાખ્યુ હતુ "જૈકીસ્તાન". આ વિસ્તારમાં એક પણ ઘર આવેલુ નથી. 

આ અંગે જૈકે જણાવ્યુ હતુ કે, જ્યારે મે આ જમીન ખરીદી હતી ત્યારે અમેરિકા દેશમાં રાજકીય માહોલ સારો ન હતો. જેથી તેને લાગ્યુ હતુ કે તે રાજનેતાઓ કરતા સારી રીતે દેશને ચલાવી શકે છે. માટે તેને આ વિસ્તારને દેશ જાહેર કર્યો હતો. જૈકીસ્તાન વિસ્તારની સૌથી નજીકનું શહેર 100 કિલોમીટર દૂર આવેલુ છે. આ વિસ્તારમાં કોઈ પાકો રસ્તો પણ નથી, પાકો રસ્તો 25 કિલોમીટર દૂર છે. 

જૈકીસ્તાનમાં કોઈ વસવાટ કરતુ નથી, વર્ષ દરમિયાન કેટલાક દીવસ માટે જૈક અહીંયા આવે છે. આ જમીન પર પ્રવેશ માટે તેને એક પેટ્રોલ ગેટ, રોબોટ પણ રાખ્યો છે. તે પોતાની વેબસાઈટ પર આ વિસ્તારમાં પ્રવેશ માટે 40 ડોલરમાં પાસપોર્ટ પણ ઈશ્યુ કરે છે. 

વધુ વાંચોઃ OMG! રેસ્ટોરન્ટે ફ્રીમાં પાણી ન આપ્યું તો થયો દંડ, ગ્રાહક જીત્યો કેસ, આખરે 'રેલો' કઈ રીતે આવ્યો?

જૈકના કેટલાક મીત્રોએ જૈકીસ્તાનનો પાસપોર્ટ બનાવી રાખ્યો છે. તે મીત્રો અહીંયા મોજશોખ કરવા કેટલીકવાર આવતા રહે છે. જૈકે આ રણ વિસ્તારને સુધારવા માટે 8 લાખ રૂપિયા ખર્ચ કર્યા છે. અહીંયા વાતાવરણ ખરાબ જ રહે છે. દિવસે ભયંકર ગરમી અને રાત્રે ઠંડી પડે છે. જૈક ટેક્સ ભરતો હોવાથી તેની આ ગતિવિધિ ગેરકાયદેયર નથી ગણાતી.

VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો