નેશનલ / ચૂંટણી પંચની વેબસાઈટ પર કેવી રીતે ચેક કરશો વિધાનસભા ચૂંટણીનું પરિણામ, જાણી લો આખી પ્રોસેસ

પશ્ચિમ બંગાળ, તમિલનાડુ, કેરળ, આસામ અને પુડુચેરીમાં 2026 ની વિધાનસભા ચૂંટણી માટે મતદાન કર્યા પછી, હવે મત ગણતરીનો દિવસ આવી ગયો છે. આજે, 4 મે, સવારે 8 વાગ્યે મતગણતરી શરૂ થઈ. એક્ઝિટ પોલ પછીના ઉત્સાહ વચ્ચે, લાખો લોકો ચૂંટણી પરિણામો જાણવા માટે ઉત્સુક છે. તમે ભારતના ચૂંટણી પંચ (ECI) ની સત્તાવાર વેબસાઇટ results.eci.gov.in પર સીધા વલણો અને ચૂંટણી પરિણામો સરળતાથી જોઈ શકો છો.

જો તમે ભારતના ચૂંટણી પંચની સત્તાવાર વેબસાઇટ results.eci.gov.in ની મુલાકાત લઈને વિધાનસભા ચૂંટણીના પરિણામો ચેક કરવા માંગતા હો તો ચાલો જોઈએ કે તમે દરેક બેઠક અને પક્ષના ઉમેદવાર માટે મત ગણતરી કેવી રીતે ચેક કરશો.

ચૂંટણી પંચ (ECI) ની વેબસાઇટ પર ચૂંટણી પરિણામ 2026 કેવી રીતે તપાસવું

• ચૂંટણી પંચની સત્તાવાર વેબસાઇટ results.eci.gov.in ની મુલાકાત લો.
• ચૂંટણી રાજ્યો આસામ, કેરળ, પુડુચેરી, તમિલનાડુ અને પશ્ચિમ બંગાળ હોમ પેજ પર જ લખેલા છે.
• સંબંધિત રાજ્ય પર ક્લિક કરવાથી મતવિસ્તાર મુજબના પરિણામો દેખાશે, જ્યાં તમે વિધાનસભા બેઠક પસંદ કરી શકો છો અને ચૂંટણી પરિણામો જોઈ શકો છો.

આ પણ વાંચોઃ આજે પશ્ચિમ બંગાળ સહિત 5 રાજ્યોની વિધાનસભા ચૂંટણીના પરિણામ

• સ્ક્રીન પર આગળ રહેલા ઉમેદવાર, પાછળ રહેલા ઉમેદવાર અને મતોની સંખ્યા દર્શાવવામાં આવશે. ગણતરી પૂર્ણ થયા પછી વિજેતા ઉમેદવારનું નામ અને પક્ષ જોવા મળશે.
• આ ઉપરાં તમે eci.gov.in પર પરિણામ વિભાગમાં જઈને વિધાનસભા ચૂંટણીના પરિણામો પણ ચકાસી શકો છો.

2029ની લોકસભા ચૂંટણી પહેલા 2026 ની વિધાનસભા ચૂંટણીને એક મોટી કસોટી માનવામાં આવે છે. પાંચ રાજ્યો અને એક કેન્દ્રશાસિત પ્રદેશમાં કુલ 824 ધારાસભ્યો ચૂંટાશે. આ પરિણામો પક્ષોની તાકાતનો ખ્યાલ આપશે. ચૂંટણી પંચ સમગ્ર પ્રક્રિયામાં પારદર્શિતા સુનિશ્ચિત કરવા માટે નિયમિત અપડેટ્સ પ્રદાન કરે છે. મતદારો હવે ઘરે બેઠા બેઠા તેમના મોબાઇલ ફોન અથવા કમ્પ્યુટરથી સચોટ માહિતી મેળવી શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ