ન્યૂઝ અપડેટ્સ
ન્યૂઝ અપડેટ્સ
VTV / લાઈફસ્ટાઈલ / તમારા કામનું / ખાંડના ભાવ વધ્યા તો જાણો આ હકીકત! 1 કિલો ખાંડ માટે કેટલી શેરડી જોઈએ? 100 કિલોમાંથી આટલી ખાંડ બને
5 ફોટો ગેલેરી
Last Updated: 04:32 PM, 24 August 2026
FOLLOW ON
શેર કરો
1/5
આજકાલ સોશિયલ મીડિયા પર ખાંડનો વિષય ખૂબ ચર્ચામાં છે. કેમ કે, ખાંડના ભાવ સતત વધી રહ્યા છે. અમુક શહેરોમાં તો એક કિલો ખાંડ 65 રૂપિયા સુધી પહોંચી ગઈ છે. સરકારી આંકડા મુજબ છેલ્લા એક વર્ષમાં ખાંડના ભાવમાં 20 ટકાથી વધુ વધારો થયો છે. જ્યારે પોકેટમાંથી વધુ નાણાં ખર્ચવા પડે ત્યારે સ્વાભાવિક પ્રશ્ન ઊભો થાય છે કે આ ખાંડ બનાવવા માટે ખરેખર કેટલી શેરડી લાગે છે?
આ તસવીર શેર કરો
2/5
જવાબ સાંભળીને ઘણા લોકોને આશ્ચર્ય થશે. એક કિલો ખાંડ બનાવવા માટે સામાન્ય રીતે આશરે 9 થી 10 કિલો શેરડીની જરૂર પડે છે. એટલે કે જો મિલમાં 100 કિલો શેરડી પહોંચે તો તેમાંથી સામાન્ય રીતે 9 થી 10 કિલો જેટલી ખાંડ તૈયાર થાય છે.
આ તસવીર શેર કરો
3/5
ખાંડ બનાવવાની પ્રક્રિયામાં સૌથી મહત્ત્વનું પરિબળ છે શુગર રિકવરી એટલે કે શેરડીમાંથી કેટલી ટકાવારીમાં ખાંડ નીકળી શકે છે. ભારતમાં આ સરેરાશ આશરે 10 ટકા જેટલી રહે છે. ICAR-ઇન્ડિયન ઇન્સ્ટિટ્યૂટ ઓફ સુગરકેન રિસર્ચના આંકડા અનુસાર 2023-24 માં દેશમાં સરેરાશ શુગર રિકવરી આશરે 10.3 ટકા હતી. સરળ ભાષામાં કહીએ તો 100 કિલો શેરડીમાંથી સામાન્ય રીતે લગભગ 10 કિલો ખાંડ મળી શકે છે. તેથી જ કહેવામાં આવે છે કે એક કિલો ખાંડ માટે લગભગ 10 કિલો શેરડી જોઈએ છે.
આ તસવીર શેર કરો
4/5
પણ દરેક વખતે 100 કિલોમાંથી બરાબર 10 કિલો જ મળે એવું નથી. શેરડીની જાત, તેમાં રહેલી ખાંડની માત્રા, ગુણવત્તા અને મિલની રિકવરી ક્ષમતા પર ઘણું આધાર રાખે છે. સારી ગુણવત્તા અને ઊંચી રિકવરી હોય તો ઓછી શેરડીમાંથી વધુ ખાંડ મળી શકે છે, જ્યારે કમજોર રિકવરીવાળી શેરડીમાંથી વધુ માત્રા જોઈએ છે.
આ તસવીર શેર કરો
5/5
હવે પ્રશ્ન એ થાય કે 100 કિલોમાંથી માત્ર 100 કિલો ખાંડ નીકળે તો બાકીનું શું થાય? શેરડીનો બાકીનો ભાગ પણ વેડફાતો નથી. રસ કાઢ્યા પછી બચતી તંતુમય સામગ્રીને બેગાસ કહેવામાં આવે છે, જેનો ઉપયોગ મિલોમાં ઇંધણ અને વીજળી ઉત્પાદન માટે થાય છે. તેમજ મોલાસેસ પણ નીકળે છે જેનો ઉપયોગ અન્ય ઉત્પાદનોમાં થાય છે. આમ શેરડીનો મોટો ભાગ સીધો ખાંડમાં નહીં પણ અન્ય ઉપયોગી વસ્તુઓમાં ફેરવાય છે. આગળની વખતે જ્યારે તમે એક કિલો ખાંડનું પેકેટ જુઓ ત્યારે યાદ રાખજો કે તેની પાછળ સરેરાશ 9 થી 10 કિલો શેરડી લાગેલી હોય છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
6 ફોટોઝ
September Rajyog 2026 / સપ્ટેમ્બરમાં એકસાથે 3 રાજયોગ! 4 રાશિના ખુલશે ભાગ્ય, થશે ધનલાભ
ટોપ સ્ટોરીઝ
