8 ફોટો ગેલેરી

ધર્મ / ગણેશ ચતુર્થી પર ઘરમાં ગણપતિ સ્થાપના કરતા પહેલાં કરો આ કામ, આવશે સુખ-સમૃદ્ધિ અને સકારાત્મકતા

Last Updated: 10:15 PM, 29 August 2026

FOLLOW ON

શેર કરો

ગણેશ ચતુર્થીના પવિત્ર તહેવાર પર ઘરમાં વિઘ્નહર્તા ગણપતિ બાપ્પાની સ્થાપના કરતા પહેલાં કેટલીક મહત્વપૂર્ણ તૈયારીઓ કરવી શુભ માનવામાં આવે છે.

1/8

1. ગણેશ ચતુર્થી પર ઘરમાં ગણપતિ સ્થાપના કરતા પહેલાં કરો આ કામ, ઘરમાં આવશે સુખ-સમૃદ્ધિ અને સકારાત્મકતા

હિન્દુ ધર્મમાં ગણેશ ચતુર્થીનો તહેવાર અત્યંત હર્ષોલ્લાસ અને શ્રદ્ધા પૂર્વક ઉજવવામાં આવે છે. ભગવાન શ્રી ગણેશને વિઘ્નહર્તા અને સુખ-સમૃદ્ધિના દાતા માનવામાં આવે છે. આ શુભ પ્રસંગે ભક્તો પોતાના ઘરમાં બાપ્પાની મૂર્તિની સ્થાપના કરે છે. જોકે, ગણપતિ સ્થાપના પહેલાં કેટલીક ધાર્મિક અને વ્યવહારિક તૈયારીઓ કરી લેવી જરૂરી છે, જેથી પૂજા દરમિયાન કોઈ વિઘ્ન ન આવે અને વાતાવરણ સકારાત્મક ઊર્જાથી ભરાઈ જાય. જો તમે પણ ઘરમાં ગણપતિ બાપ્પા પધરાવવા જઈ રહ્યા છો, તો સ્થાપના પહેલાં આ 7 બાબતોનું ખાસ ધ્યાન રાખો..

આ તસવીર શેર કરો

2/8

2. ઘર અને પૂજા સ્થળની સંપૂર્ણ સ્વચ્છતા

ગણપતિ સ્થાપના પહેલાં આખા ઘરની સારી રીતે સફાઈ કરવી જોઈએ. ખાસ કરીને જે સ્થાન પર ભગવાન ગણેશની પ્રતિમા સ્થાપિત કરવાની હોય, તે જગ્યાને એકદમ સ્વચ્છ અને સુસજ્જ રાખો. સફાઈ કર્યા બાદ પૂજા સ્થળ પર ગંગાજળ છાંટીને તે જગ્યાને પવિત્ર કરો.

આ તસવીર શેર કરો

3/8

3. પૂજા માટે બાજોઠ અને આસન તૈયાર કરવું

બાપ્પાની સ્થાપના માટે લાકડાનો સુંદર બાજોઠ કે ચોકી રાખો અને તેના પર લાલ અથવા પીળું સ્વચ્છ વસ્ત્ર બિછાવો. ભગવાન માટે આસન એવી જગ્યાએ તૈયાર કરવું જ્યાં પરિવારના તમામ સભ્યો સરળતાથી બેસીને પૂજા-આરતી કરી શકે.

આ તસવીર શેર કરો

4/8

4. પૂજા સામગ્રી અગાઉથી એકત્રિત કરવી

સ્થાપનાના સમયે દોડધામ ન થાય તે માટે પૂજાની તમામ સામગ્રી પહેલાંથી જ એક જગ્યાએ ગોઠવી લો. જેમાં રોલી, કંકુ, અક્ષત (ચોખા), અબીલ-ગુલાલ, પુષ્પ, ધૂપ-દીપ, કપૂર, કળશ, નાળિયેર, પંચામૃત અને પ્રસાદનો સમાવેશ થાય છે. ભગવાન ગણેશને દૂર્વા (ધરો) અને મોદક અતિ પ્રિય છે, તેથી પૂજા થાળીમાં તેનો સમાવેશ ચોક્કસ કરો.

આ તસવીર શેર કરો

5/8

5. શુભ મુહૂર્તનું ખાસ ધ્યાન રાખવું

શાસ્ત્રો અનુસાર ગણેશ સ્થાપના હંમેશાં શુભ મુહૂર્તમાં જ થવી જોઈએ. પંચાંગ કે સ્થાનિક જ્યોતિષી/પંડિતજી પાસે સાચું મુહૂર્ત જાણીને તે જ નિર્ધારિત સમયમાં બાપ્પાની સ્થાપના કરવી શ્રેષ્ઠ માનવામાં આવે છે.

આ તસવીર શેર કરો

6/8

6. મંગળ કળશની વ્યવસ્થા

પૂજા સ્થાન પર ગણપતિની સાથે મંગળ કળશની સ્થાપનાનું વિશેષ મહત્વ છે. તાંબા કે પિત્તળના કળશમાં શુદ્ધ જળ ભરીને તેમાં આસોપાલવ કે આમ્રપત્ર મૂકી તેના પર નાળિયેર સ્થાપિત કરવામાં આવે છે. આ કળશ ઘરમાં સુખ અને મંગળ લાવવાનું પ્રતીક છે.

આ તસવીર શેર કરો

7/8

7. પરિવાર સાથે પૂજાનો સંકલ્પ

સ્થાપનાના સમયે પરિવારના તમામ સભ્યોએ એકસાથે ઉપસ્થિત રહીને વિઘ્નહર્તાનું ધ્યાન ધરવું જોઈએ. મનને શાંત, સકારાત્મક અને ભક્તિમય રાખીને ઘરની શાંતિ, સમૃદ્ધિ અને આરોગ્ય માટે સંકલ્પ લેવો જોઈએ.

આ તસવીર શેર કરો

8/8

8. વિધિવત પ્રતિમા સ્થાપના અને આરતી

શુભ મુહૂર્તમાં પ્રતિમા સ્થાપિત કર્યા પછી મંત્રોચ્ચાર સાથે ભગવાન ગણેશનું આહ્વાન કરો. તેમને દૂર્વા, મોદક અને તાજા પુષ્પ અર્પણ કરો. ધૂપ-દીપ પ્રગટાવીને પરિવાર સાથે ભાવપૂર્વક આરતી કરો અને ત્યારબાદ તમામ ભક્તોમાં પ્રસાદનું વિતરણ કરો.

આ તસવીર શેર કરો

સંકળાયેલા મુદ્દાઓ

GanpatiBappaMorya GaneshSthapana GaneshChaturthi