આફત / પૂર હોનારતનો ભોગ બનેલા લોકોની ઓળખ માટે NFSUની 10 સભ્યોની ટીમ નેપાળ જવા રવાના, DNA મેચ કરશે

નેપાળમાં જળહોનારત સર્જાઈ છે. લગભગ 24 જેટલા ગુજરાતીઓ પણ ગુમ છે. આ દરમિયાન પૂર હોનારતનો ભોગ બનેલા લોકોની ઓળખવિધિ માટે 10 સભ્યોની એક ટીમ ગાંધીનગરથી નેપાળ જવા રવાના થઈ છે. ડૉ. ભાર્ગવ પટેલના નેતૃત્વમાં 10 સભ્યોની ટીમ નેપાળ જઈને પીડિતોની ઓળખ કરશે. NFSUના નિષ્ણાતો અમેરિકાના ડિફેન્સ ડિપાર્ટમેન્ટ સાથે પણ કામ કરી રહ્યાં છે.

પૂરમાં ઘણા ગુજરાતીઓ પણ ગુમ

નેપાળમાં આવેલા પૂરમાં ઘણા ગુજરાતીઓ પણ ગુમ થયાં છે હજુ સુધી તેમની જાણકારી મળી નથી. સંપર્ક વિહોણા ગુજરાતીઓની સંખ્યા 24 થઈ છે. માત્ર એક જ પરિવારનો સંપર્ક થઈ શક્યો છે. અમરેલીના પ્રવાસીનો તેના પરિવાર સાથે સંપર્ક થયો છે. પરિવારે વહીવટી તંત્રને સંપર્ક થયો હોવાની માહિતી આપી હતી.

વધુ વાંચો : VIDEO : 6 વર્ષની બાળકીની હત્યાથી સનસની, કોથળામાં લાશ લઈને જતો દેખાયો આરોપી, રેપની શંકા

આણંદનું કપલ પણ ગુમ

નેપાળમાં આવેલા પ્રલયમાં આણંદનું દંપતી લાપતા બન્યું છે. વિમલ પટેલ અને તેમના પત્ની જૈમીના પટેલ 16 ઓગસ્ટે નમસ્તે નેપાળ ટુર એન્ડ ટ્રાવેલ્સથી નેપાળ ફરવા ગયા હતા ત્યાર બાદ નેપાળ પ્રવાસેથી તેઓ કૈલાશ માનસરોવાર યાત્રાએ નીકળ્યું હતું અને ચીનના વીઝા લેવા ગયા હતા. ગત રવિવારે પરિવારે દંપતી સાથે ટેલિફોનિક વાતચીત કરી હતી. રવિવાર પછીથી વિમલ પટેલ અને જૈમીના પટેલનો કોઈ સંપર્ક નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ