કામની વાત / Flipkart Plus સભ્યો માટે ખુશખબર: ખરીદી પર આ રીતે મળશે 30 દિવસનું Netflix Mobile સબ્સ્ક્રિપ્શન મફત

Flipkart Netflix Offer: જો તમે ફ્લિપકાર્ટના યૂઝર્સ હોય અને કોઈ પણ ખર્ચ કર્યા વિના નેટફ્લિક્સનો આનંદ માણવા માંગતા હોવ, તો તમારા માટે સારા સમાચાર છે. ફ્લિપકાર્ટે નેટફ્લિક્સ સાથે નવી ભાગીદારીની જાહેરાત કરી છે, જે અંતર્ગત ફ્લિપકાર્ટ પ્લસ સભ્યોને દર મહિને મફત નેટફ્લિક્સ મોબાઈલ પ્લાન મળશે. આ ઓફરનો લાભ લેવા માટે તમારે નેટફ્લિક્સનું અલગ સબ્સ્ક્રિપ્શન ખરીદવાની જરૂર નથી; ગ્રાહકોએ ફક્ત એક મહિનાની અંદર 299 રુપિયા કે તેથી વધુ મૂલ્યના ચાર પાત્ર ઓર્ડર પૂરા કરવાના રહેશે. આ સુવિધા 1 ઓગસ્ટથી અમલમાં આવી છે.

4 ઓર્ડર પૂરા કરતા મળશે નેટફ્લિક્સ પ્લાન

ફ્લિપકાર્ટ અને નેટફ્લિક્સ વચ્ચેની નવી ભાગીદારી હેઠળ, ફ્લિપકાર્ટ પ્લસ સભ્યો હવે તેમની નિયમિત ખરીદીના આધારે નેટફ્લિક્સના 'મોબાઇલ પ્લાન'નો લાભ મેળવી શકે છે. આ માટે પાત્ર બનવા માટે, ગ્રાહકોએ એક કેલેન્ડર મહિનામાં 299 રુપિયા કે તેથી વધુ મૂલ્યના ઓછામાં ઓછા ચાર પાત્ર ઓર્ડર પૂર્ણ કરવા જરૂરી છે. આ ખરીદી ફ્લિપકાર્ટ, ફ્લિપકાર્ટ ગ્રોસરી અને ફ્લિપકાર્ટ મિનિટ્સ દ્વારા કરી શકાય છે. ચોથો પાત્ર ઓર્ડર પૂર્ણ થતાં જ, ગ્રાહકને આગામી 30 દિવસ માટે નેટફ્લિક્સ મોબાઇલ પ્લાનનો લાભ મળશે.

.@Flipkart and @netflix partner to make world-class entertainment an earned shopping benefit. From August 1, 2026, Flipkart Plus members can earn a Netflix Mobile Plan every month through their regular shopping. 

By completing four qualifying orders of ₹299 or more across… pic.twitter.com/7CVa53P0B6

— Flipkart Stories (@FlipkartStories) July 31, 2026

આ રીતે મળશે ઓફર અને કોણ ઉઠાવી શકે છે ફાયદો

નેટફ્લિક્સ મોબાઇલ પ્લાન કોઈપણ વધારાના ખર્ચ વિના સીધા ફ્લિપકાર્ટ એપમાં જ સક્રિય કરી શકાય છે. જોકે, શરૂઆતના 30 દિવસનો સમયગાળો પૂરો થયા પછીના મહિનામાં આ લાભ ફરીથી મેળવવા માટે, વપરાશકર્તાઓએ અન્ય ચાર પાત્ર ઓર્ડર પૂરા કરવા જરૂરી છે. જે ગ્રાહકો હાલમાં ફ્લિપકાર્ટ પ્લસ સભ્યો નથી, તેઓ 12 મહિનાના સમયગાળામાં 15 ઓર્ડર પૂરા કરીને કોઈપણ વધારાના શુલ્ક વિના આ સભ્યપદ મેળવી શકે છે.

આ પણ વાંચોઃ PM કિસાન યોજના: e-KYC સહિત આ 3 કામ નહીં કરો તો અટકી શકે ₹2000ની 24મો હપ્તો

શોપિંગની સાથે મળશે એન્ટટેનમેન્ટનો ફાયદો

કંપનીઓના જણાવ્યા અનુસાર, આ ભાગીદારીનો ઉદ્દેશ્ય શોપિંગ રિવોર્ડ્સ અને ડિજિટલ મનોરંજનને એકસાથે લાવવાનો છે. ફ્લિપકાર્ટનું કહેવુ છે કે, ઘણા ગ્રાહકો પહેલેથી જ દર મહિને કરિયાણા, રોજિંદી જરૂરિયાતની વસ્તુઓ અને ક્વિક-કોમર્સ હેઠળ આવતી વસ્તુઓનો વારંવાર ઓર્ડર આપે છે. આ પહેલ તેમને કોઈપણ વધારાના ખર્ચ વિના નેટફ્લિક્સ મોબાઈલ પ્લાનનો લાભ મેળવવાની સુવિધા આપશે.

યોગ્ય ગ્રાહકો આ પ્લાન દ્વારા નેટફ્લિક્સ પર ભારતીય અને આંતરરાષ્ટ્રીય ફિલ્મો, ટીવી શો અને વેબ સિરીઝ જોઈ શકશે. ફ્લિપકાર્ટના સીએફઓ અને એસવીપીએ જણાવ્યું હતું કે, આ પહેલ ગ્રાહકોની ખરીદીની વર્તમાન આદતો પર આધારિત છે. દરમિયાન, નેટફ્લિક્સના APAC પાર્ટનરશિપ બિઝનેસ ડેવલપમેન્ટના વાઇસ પ્રેસિડેન્ટ લોરેન્ટ ઉગુએને તેને ભારતમાં કંપનીની પ્રથમ ઈ-કોમર્સ ભાગીદારી ગણાવી હતી, જેનો ઉદ્દેશ્ય રોજિંદી ખરીદી દ્વારા નેટફ્લિક્સને વિશાળ પ્રેક્ષકો સુધી પહોંચાડવાનો છે.

સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ