ગુજરાત / હળવદમાં વરસાદી કહેર, આ ગામનો માલધારી યુવક તણાયો, સઘન શોધખોળ બાદ મળ્યો મૃતદેહ

હળવદ-માળિયા મિયાણા તાલુકાના જૂના ઘાટીલા ગામે શનિવારે એક દુઃખદ ઘટના સામે આવી છે. માલઢોર ચરાવવા માટે ગામની સીમ વિસ્તારમાં ગયેલા એક માલધારી યુવકનું વોકરાના પાણીમાં તણાઈ જતાં મોત નિપજ્યું હતું.

લાંબી શોધખોળ બાદ મૃતદેહને પાણીમાંથી બહાર કાઢ્યો

પ્રાપ્ત માહિતી અનુસાર, મૃતક ગેલાભાઈ નોંઘાભાઈ ભરવાડ (ઉંમર 42 વર્ષ), રહેવાસી જૂના ઘાટીલા ગામ, માલઢોર ચરાવવા માટે ગામની સીમમાં ગયા હતા. આ દરમિયાન તેઓ વોકરાના પાણીમાં તણાઈ ગયા હતા.

ઘટનાની જાણ થતા ગ્રામજનો સ્થળ પર પહોંચ્યા

ઘટનાની જાણ થતાં ગામલોકો મોટી સંખ્યામાં સ્થળ પર દોડી આવ્યા હતા અને ભારે શોધખોળ હાથ ધરી હતી. લાંબી શોધખોળ બાદ ગેલાભાઈનો મૃતદેહ પાણીમાંથી બહાર કાઢવામાં આવ્યો હતો.

આ પણ વાંચોઃ સુરતમાં વરસાદનો કહેર, 4 હજારથી વધુ લોકોનું સ્થળાંતર, કીમ નદી કાંઠે હાઈ એલર્ટ

મૃતદેહને પીએમ અર્થે ખસેડાયો

બનાવ અંગે સ્થાનિક પોલીસને જાણ કરવામાં આવી હતી. જરૂરી કાર્યવાહી બાદ મૃતદેહને પોસ્ટમોર્ટમ માટે મોરબીની સરકારી હોસ્પિટલ ખાતે ખસેડવામાં આવ્યો છે. ઘટનાથી પરિવારજનોમાં શોકની લાગણી વ્યાપી ગઈ છે, જ્યારે સમગ્ર જૂના ઘાટીલા ગામમાં ગમગીનીનું વાતાવરણ છવાઈ ગયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ