બ્રેકિંગ ન્યુઝ
બ્રેકિંગ ન્યુઝ
VTV / મનોરંજન / 'રામાયણ'ના સ્ટાર્સે કરી કરોડોની કમાણી, રામથી લઈને રાવણ સુધી જાણો કોણે લીધી સૌથી વધારે ફી?
8 ફોટો ગેલેરી
Last Updated: 05:00 PM, 1 August 2026
FOLLOW ON
શેર કરો
1/8
ભારતીય સિનેમા ઈતિહાસના સૌથી મોંઘા અને ભવ્ય પ્રોજેક્ટ્સમાંથી એક ગણાતી ડિરેક્ટર નિતીશ તિવારીની ફિલ્મ 'રામાયણ' અત્યારથી જ ભારે ચર્ચામાં છે. આ મલ્ટી-પાર્ટ મેગા બજેટ ફિલ્મમાં બોલિવૂડ અને દક્ષિણ ભારતીય સિનેમાના નામી કલાકારો મહત્વની ભૂમિકાઓ ભજવતા જોવા મળશે. ફિલ્મની જાહેરાત થઈ ત્યારથી જ ફેન્સમાં એ વાતની ભારે જિજ્ઞાસા હતી કે આ પૌરાણિક કથાને પડદા પર જીવંત કરવા માટે કલાકારોએ કેટલું વળતર મેળવ્યું છે. તાજેતરમાં સામે આવેલા મીડિયા રિપોર્ટ્સ અનુસાર, આ ફિલ્મની સ્ટારકાસ્ટને ખૂબ જ માતબર રકમ ચૂકવવામાં આવી છે.
આ તસવીર શેર કરો
2/8
ફિલ્મમાં ભગવાન રામનું પાત્ર ભજવી રહેલા બોલિવૂડ એક્ટર રણબીર કપૂર આખી ફિલ્મમાં સૌથી વધુ કમાણી કરનારા કલાકાર સાબિત થયા છે. અહેવાલોનું માનીએ તો, રણબીરે આ બે-ભાગની ફિલ્મ સિરીઝ માટે કુલ 150 કરોડ રૂપિયાની ફી વસૂલી છે, જે હિસાબે તેમને પ્રતિ ભાગ 75 કરોડ રૂપિયા મળશે. રણબીર પછી બીજા ક્રમે લંકાપતિ રાવણનો પ્રભાવશાળી રોલ કરી રહેલા 'KGF' ફેમ સાઉથ સુપરસ્ટાર યશ આવે છે. યશને આ રોલ માટે 100 કરોડ રૂપિયા (પ્રતિ ભાગ આશરે 50 કરોડ રૂપિયા) ચૂકવવામાં આવ્યા છે અને તેની સાથે તેઓ આ પ્રોજેક્ટના કો-પ્રોડ્યુસર તરીકે પ્રોફિટ શેરમાં પણ ભાગીદાર બન્યા છે.
આ તસવીર શેર કરો
3/8
આ મહાગાથામાં મહાબલી ભગવાન હનુમાનજીના રોલમાં બુલંદ અવાજના માલિક સન્ની દેઓલ નજરે પડશે, જેમને આ ખાસ ભૂમિકા માટે 40 કરોડ રૂપિયાની રકમ મળી હોવાનું કહેવાય છે.
આ તસવીર શેર કરો
4/8
માતા સીતાના રોલ દ્વારા બોલિવૂડમાં ગ્રાન્ડ ડેબ્યૂ કરી રહેલી સાઉથની લોકપ્રિય અભિનેત્રી સાંઈ પલ્લવીને બંને ભાગ માટે કુલ 12 કરોડ રૂપિયા (પ્રતિ ભાગ 6 કરોડ રૂપિયા) ફી પેટે મળ્યા છે.
આ તસવીર શેર કરો
5/8
અન્ય મહત્વપૂર્ણ પાત્રો વિશે વાત કરીએ તો, ટેલિવિઝનના જાણીતા એક્ટર રવિ દુબેને લક્ષ્મણના રોલ માટે 2 કરોડ થી 4 કરોડ રૂપિયાની વચ્ચે ચૂકવણી કરવામાં આવી છે.
આ તસવીર શેર કરો
6/8
દશરથ રાજાના પાત્ર માટે જૂની રામાયણના આઇકોનિક 'રામ' એટલે કે અરૂણ ગોવિલની પસંદગી કરવામાં આવી છે અને તેમને 2.5 કરોડ રૂપિયા આપવામાં આવ્યા હોવાની અટકળો છે.
આ તસવીર શેર કરો
7/8
માતા કૈકેયી બનવા માટે લારા દત્તાએ 3 કરોડ રૂપિયા અને શૂર્પણખાના પાત્ર માટે રકુલ પ્રીત સિંહે 1 કરોડ થી 2 કરોડ રૂપિયા આસપાસ ફી ચાર્જ કરી છે.
આ તસવીર શેર કરો
8/8
આ બધી બાબતો વચ્ચે સૌથી ચોંકાવનારો અને પ્રશંસનીય નિર્ણય વિવેક ઓબેરોયનો રહ્યો છે, જેમણે વિભીષણની ભૂમિકા માટે પોતાની સંપૂર્ણ ફી જતી કરીને મફતમાં કામ કરવાનો નિર્ણય કર્યો છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
